Друго

Антички македонски штитови од Пелагонија" е насловот на публикацијата на археологот Душко Темелкоски која вчера беше промовирана во Градската библиотека "Борка Талески" во Прилеп. Во публикацијата се претставени деловите од штитовите, пронајдени на локалитетот Бонче кои потекнуваат од пред 22 века, од периодот по Александар, во времето на античкиот македонски крал Деметриј.

- Наодите за штитовите се претставени не само на стручен туку и на попопуларен начин, за приказната за античките штитови да биде достапна до широката читателска публика, изјави Темелкоски. Тоа значи дека публикацијата донесува податоци и за локалитетот Бонче и за тоа кој бил кралот Деметриј. Освен од Темелкоски публикацијата е потпишана и од францускиот историчар Пјер Жуел.

- Жуел се затекна тука во Македонија кога лани беа откриени штитовите. Со него бевме на локалитетот Бонче и ги разгледувавме штитовите, објаснува Темелкоски.

Жуел и Темелкоски наодите за штитовите ги презентирале во Франција, во Хрватска, а во Германија објавиле заедничка статија за штитовите во списание за епиграфика.

- Публикацијата е заокружување на процесот на соработка, вели Темелкоски.

Рецензент на книгата е полскиот археолог Ник Секунда, професор на Универзитетот во Гдањск, кој ја истакнува исклучителната важност на наодите. Деловите од штитовите се единствени пронајдени во Македонија кои потекнуваат од античкиот период и укажуваат на прочуената Македонска фаланга. Во Грција ги има само три. Деловите се на конзервација во Заводот и музеј во Охрид. Најрано на есен можеби еден од трите штита ќе биде реконструиран и претставен на јавноста.

ПРОМОВИРАНА МОНОГРАФИЈА

Најубавите македонски цркви, манастири и џамии, планини, езера, реки и водопади, најубавите археолошки локалитети, старата македонска архитектура... Се ова е дел од ДВД изданието "Amazing Macedonia" - "Lanscapes & Sounds", во издание на "Трето Уво".

- "Amazing Macedonia" е вид на монографија насочена во правец на презентирање на сето она од Македонија, кое може да се вброи под атрибутот Волшебно.

Иако се работи за обемен и сложен проект, тој сепак нема амбиција да биде енциклопедиски содржаен или да наликува на научно-едукативен труд.

"Amazing Macedonia" е ДВД издание или поточно книга во видео формат, која содржи фотографии, текст, оригинални звуци од природата и музика од македонското поднебје, а со тоа претставува визуелна и акустична слика за тоа како "изгледа и звучи Македонија", велат од "Трето Уво".

Со ова издание за прв пат јавно ќе биде публикуван акустичен запис со автентични звуци од природата во Македонија.
Во креативниот тим што го создаде овој проект се Владимир Арсовски кој работеше на фотографиите, воведот е од Ефтим Клетников, музиката ја работеше Златко Ориѓански, на оригинални звуци од природата работеа Братислав Зафировски и Горан Атанасовски, извршен продуцент е Иво Јанкоски...

(Де.Т.)

МИА

Прв пат по неколку години насилство, илјадници христијански верници и туристи, како и локални Палестинци, минатата ноќ се собраа да го прослават Божиќ во Витлеем, на Западниот брег, родното место на Исус Христос.

Многумина велат дека собирањето го поттикна новото чувство на безбедност поради обновувањето на мировните напори меѓу Израелците и Палестинците.

По избувнувањето на палестинското востание - Интифада, во есента 2000 година во Витлеем за Божиќ доаѓаа главно само Палестинци.

Оваа година хотелите се полни и градоначалникот на Витлеем предвидува дека за празникот во библискиот град ќе дојдат околу 65.000 гости, четири пати повеќе отколку пред две години.

На традиционалната полноќна миса во црквата на Христовото раѓање од Рамалах пристигна и палестинскиот претседател Махмуд Абас.

Абас оди по стапките на својот претходник Јасер Арафат, кој на полноќната миса доаѓаше се додека израелската армија тоа не му го забрани.

Абас е муслиман, како што беше и Арафат, но прославата на Божиќ е многу важен настан кој го симболизира единството на палестинските христијани и муслимани.

Абас изрази надеж дека 2008 година ќе биде година на независноста за Палестинците, но и година на безбедноста и стабилност и економски просперитет.

Во текот на целиот ден плоштадот Јасли, пред црквата, беше полн со посетители кои имаа можност, меѓу другото, да ги гледаат и слушаат палестинските извидници како свират со гајди и тапани.

Враќањето на христијанските аџиите во Витлеем го овозможи намалувањето на насилството во текот на минатата година, но целата ситуација не е значително подобрена и економијата и натаму трпи поради безбедносната бариера која Израел ја покрена за да се одвои од Палестинците.

Ѕид висок осум метри го оградува Витлеем од три страни.

За да дојде во Витлеем, високодостојникот на римокатоличката црква во Светата земја, латинскиот патријарх Мишел Сабах мораше да мине низ дебела железна врата на ѕидот.

Божиќната треска ја зафати и Кина

25.12.2007 11:09

Божиќната треска ја зафати и Кина, во која западниот верски празник стана добра прилика за заработка и забава.

За кинезите божиќните празници се, пред се, можност за шопинг, но претставниците на христијанската црква во Кина се надеваат дека Божиќ ќе ги заинтересира за христијанството.

Во најбројната земја на светот само 3% од граѓаните се христијани, но во неа се произведуваат повеќе од 80% од божиќните украси во светот, пишува бостонскиот „Christian Scinece Monitor“.

Во Кина се малку оние кои ја знаат причината поради која се слави Божиќ, но улиците, канцелариите и домовите се почесто се украсуваат за овој празник, додека младите туѓите празници ги прифаќаат со голем жар.

Пазарот „Тјан Ји“ за Божиќ, по растрчаните купувачи кои се туркаат пред тезгите купувајќи шарени украси, не се разликува многу од било која продавница или трговски центар на запад.

„Ние си ја сакаме нашата култура, но отворени сме и за нови работи“, вели Јуан Јонхонг, претставничка на козметичка компанија, додека купува украси за да ја украси канцеларијата, иако нема многу слободни денови за празниците.

„Ова за нас е ново“, додава таа.

Некои работи се новина. Така, пред пазарот Тјин Ји може да се види украсна табла со Дедо Мраз, кој го влечат два ирваси и кенгур.

Јуан Јонхонг вели дека Кинезите сакаат многу да слават, а еден од најомилените начини за нешто да се прослави е шопингот.

Кинезите не купуваат поклони, или тоа многу ретко го прават за Божиќ. За божиќните поклони многу малку се знае во Кина, иако младите 25 декември го слават во замена за Денот на вљубените и воедно користат прилика да разменат поклони.

Повеќето Кинези сепак уживаат повеќе во треската за шопинг пред Божиќ, која ги зафати кинеските градови во претходните години.

Тоа објаснува зошто пред трговските центри има накитени елки, а на вратите налепници со Дедо Мраз со натпис „Среќен Божиќ“ на англиски, додека во просториите ечат божиќни песни.

Гуо Гендли, претседател на Здружението на трговци во Кина вели дека Кинезите ги украсуваат просториите за да направат празнична атмосфера.

„За време на празниците луѓето повеќе купуваат, а продавачите повеќе продаваат. Затоа кинеските продавници го слават Божиќ“, вели тој.

Ан Ми, претставничка на еден од најголемите произведувачи на електроника „Гом“, вели дека продажбата во декември достигнува ниво како во мај и октомври, кога Кинезите најмногу трошат уживајќи во одморот за Меѓународниот ден на работата и Националниот ден.

Комерцијализацијата на верските празници веќе подолго време предизвикува грижа кај христијанските духовници на запад, но свештениците во Кина не се загрижени за тоа, тие се попустливи кон мотивот на купувачите, земајќи го во обзир малиот број на христијани во Кина.

Ли Јонгхонг, свештеничка на протестантската црква во Пекинг, вели дека Кинезите не знаат кое е верското значење на Божиќ, туку го користат за заработка, но дека на тоа треба да се гледа од позитивна перспектива.

„Мислам дека комерцијалните активности му помагаат на обичниот Кинез да дознае за Божиќ и да го разбере“, вели таа.

Пасторот на втората протестантска црква во кинеската престолнина, Лиу Чејмин, вели дека прославата за Божиќ може да ги приближи Кинезите до црквата.

„Ако го слават Божиќ, можеби ќе почнат да се интересираат за христијанството. Можеби овој вид на интересирање ќе ги донесе луѓето до црквата“, додава тој.

Младите, посебно од градовите во кои влијанието од запад е појако, Божиќ го доживуваат како шанса да излезат со пријатели и да се забавуваат.

Додека кинеската Нова Година останува традиционално семеен празник, Божиќ има егзотичен призвук и им дава прилика на младите да смислат нов начин на славење.

„Ќе одам на забава или во караоке бар со пријателите“, вели Јуан Јонгхонг.

„Не знаеме како да ја подготвиме мисирката, затоа можеби ќе одиме на пица или скара. Тоа е некако современо“, вели Ли.

Сабах, првиот Палестинец на оваа положба, апелираше за мир и љубов во Светата земја и за независност за Палестинците.

„Светата земја е земја на војни и судири, земја на понижување на еден народ од раката на друг“, рече патријархот Сабах, нагласувајќи дека Бог сакал таа да биде земја за сите Евреи, христијани и муслимани.