Свети Ефрем Нови Чудотворец

Свети Ефрем е роден во Трикала Тесалија во 1384 година.  Во 1398 година, кога имал 14 години, Константинос Морфис (световното име на свети Ефрем),  ја оставил својата мајка вдовица и седумте браќа и отишол да се замонаши во Ставропигијалниот манастир „Благовештение на Пресвета Богородица“. Овој манастир се наоѓа на планината Амон, во Атика, во близина на селото Неа Макри. Таму ревносно му се предал на Бога и водел строг монашки живот.
         Во 1424 година, Турците насилно влегле во светиот манастир и безмилосно го заклале свештенството од манастирот. Монахот Ефрем во тој момент отсуствувал и бил во планината, во пештерата каде што се подвизувал. Кога се вратил и ги нашол телата на убиените браќа монаси, горко заплакал.        Следната година, на 14 септември, Турците повторно го нападнале манастирот. Овој пат тој бил заробен и мачен осум и пол месеци, користејќи секакви варварски методи на мачење. Откако страшно го изнараниле, го обесиле наопаку на стара црница во близина на манастирот. Потоа му го прободеле стомакот со запалено дрво и со остри цигански клинци го заковале на црницата. Таму Св.Ефрем Нови, му го предал својот дух на Бога. Ова се случило на 5 мај 1426 година, кога неговата благословена душа се преселила во Божјите раце. Пет века подоцна, преку сон се открил , велејќи: „Роден сум на 14 септември - Крстовден. На тој ден почна моето мачење. Починав на 42 години“.
          На 3 јануари 1950 година, преку видение на игуманијата на истиот свет манастир - монахињата Макарија, моштите на свети Ефрем биле пронајдени како миомирисни и мироточиви. Тие биле во утробата на земјата 524 години пред Семоќниот Бог да одлучи да ги открие. Сега моштите на свети Ефрем се чуваат во посебен ковчег во истиот манастир. Исушената стара црница на која бил обесен светителот, сè уште стои во дворот на манастирот. Таму болните се исцелуваат со поклонување на неговите свети мошти и помазание со светиот елеј од кандилото пред светите мошти. Свети Ефрем се јавува и им помага на сите кои со вера го повикуваат. Тој е еден од небесните лекари на нашево време. Им помага на слепите, на бесните, на парализираните, на сите оние на кои им е потребно и кои со вера и љубов го бараат Бога.
         Љубовта и милоста на светителот се неисцрпни. Тој самиот еднаш рекол: „Кратко пред да дојдат ужасите, ќе направам многу чуда за да го натерам светот да поверува и да се спаси“. Чудата на свети Ефрем се манифестираат секојдневно. Многумина кои имаа корист од него дојдоа повторно во светиот манастир и возбудено раскажуваа за неговите чудотворни благослови над нив. За неговото големо чудо сведочат петте тома книги кои ги опишуваат овие настани, објавени од игуманијата на манастирот - Макарија. Преподобниот маченик Ефрем Нов Чудотворец бил прогласен за светител во 2011 година. Неговиот спомен се празнува на 5 мај кога беше маченички убиен и на 3 јануари кога биле откриени неговите свети мошти.
Еве едно од неговите многубројни постхумни чуда, раскажани од г-ѓа Кристина М. од Атина:                                                       „Страдав од болки во грбот. Меѓутоа, една ноќ болката стана неподнослива и стигна до мојот врат. Потоа отидов во мојата соба и, плачејќи пред иконата на Исус Христос, почнав да Му се молам преку Неговиот угодник Ефрем да ми помогне. Во сето ова искрено страдање, и физичко и ментално, наеднаш го почувствував присуството на светецот во мојата соба и неговата светла рака како нежно ме гали по челото. Како да станав 4-годишно беспомошно дете: „Свети мој Ефрем - реков плачејќи - моли се за мене! И почна да ме теши, но не за мојата физичка, туку за мојата душевна болка:      

                „Дете мое, не плачи... Престани да плачеш и слушни ме. Јас сум Свети Ефрем. Љубовта што ја барате, вистинската љубов, е кај Бога, и Тој ја дава на оние кои го сакаат Него и кои искрено го бараат. Тука сум да ја објавам Божјата љубов кон тебе. И имајќи ја оваа љубов, не треба да се плашите од ништо, дури и од смрт. Затоа што Божјата љубов може да те спаси и заштити од секоја болест, од секоја несреќа и да ја опкружи твојата душа со непрооден ѕид, и никој да не може да ја скрши. Сепак, внимавајте до крајот на животот да не ја изгубите љубовта Божја,барајќи ја човечката. А потоа исчезна.
Извикав: „Свети мој Ефрем, не оди. Почекај малку, те молам! Немам никој на овој свет освен Бог и тебе. Смилувај ме, те молам чувај ме да не бидам неблагодарна. Чувај ме од грев. Заштити ме за да ја задржам Божјата љубов во себе и да бидам здрава. Од тој момент, мојата болка престана.      Жалбата исто така исчезна.

Тропар, глас 1
На планината Амон блесна како сонце, мачениче богоносен, и си преминал кај Бога, варварски измачуван, великомачениче  Христов Ефреме. Затоа веднаш излеваш благодат врз оние кои благочестно те почитуваат. Слава на Оној Кој ти дава сила. Слава на Оној Кој те овенчал. Слава на Оној Кој преку тебе, на сите им дава исцеление !

 5мај 2022 лето Господово

Избор од фб на

Игор Дервишов