Тропар

На Твоето име Господи, на Твоето име воздај му слава –
повикуваше о ти Висарионе оче наш преподобен.  
Бог преку тебе чудата на Мојсеа, Илија, Елисеа и
Исуса Навина ги повтори,

Не искушувај го Господа твојот Бог,
преточено во – не суди никого,
тебе пастиру Божји те понесе во пределите светителски,
откриениот живот на Пророците и Апостолите,

Вонмен, о роде човечки,
еве Патот кој се покажа Он и се отвори,
само едно е потребно – следете го Господа и поучувајте се од Него.
Земјата е подножје на нозете Негови – нив помазувајте ги зошто свети се,
а со покривалото на вашата глава бришете ги,

Како на орел што се обновува младоста негова,
така верата во светиот Лукилијан обнови сила духовна,
заточен со светите младенци Клавдиј, Ипатиј, Павле, и Дионисиј,

Мудри, твојот преподобен живот го измина,
украсувајќи се со светол хитон свештенички.
Пролевајќи ја крвта своја маченичка,
си се удостоил со вечна награда

Како птица која го прелетува морето,
така ти Јустине свети ја надмина мудроста на овој свет,
дознавајќи дека вистинско спознание се добива само со молитва,
трагајќи по философијата по Бога,
научи дека крајната мудрост е да стигнеш до срцето,

Како огнот што го загрева железото, така благодатта срцето човеково,
за да го покаже сето она кое е нечисто, о Ермо велики, Бог те ослободи од робувањето на овој свет,
за да Ангел ти испрати.

Исповедник на Православието, скротувач на ѕверови во луѓето, преподобен оче наш Исакие, пратеник Божји за сведоштво на вистината, Црквата со твоите молитви ликува.
Моли се Христов воину, храмот Божји храм за молитва да остане, лажните ереси пред вистината да исчезнат.