Тихомир Јанчовски: Има ли полоша работа од фалбите?

TVITer602

Има ли полоша работа од фалбите?

Може има, ама и фалбите се катастрофа. Многу
е лошо да те фалат. Ужасно е. А најлошо е тоа
да ти се допаѓа. Тогаш си готов. Ќе почнеш да
се мислиш посебен, голема работа, сите ти
делат фалби, ти ова – ти она, без тебе ништо,
и ќе завршиш ко пропалица, морална, или
и материјална, конечно човечка. Ќе се сетиш
некогаш си знаел да правиш нешто, да можеш,
а сега ти се зело, и веќе е доцна. што дечки
знам што ги биваше за нешто, ама млади им
кажаа колку се добри, на нив е светот, и толку...
после ги снема, се упропастија... им се зема
дарот. Рано прецветале? Не, не ни процветаа.

Те фалат ли многу, пази да не завршиш
како Чаушеску или Гадафи, а тие мислеа дека
сè најдобро за народот си прават и тој ги сака,
вера прави од нив...кога тоа...не било баш така.
Ги отепаа како кучиња.

Опкружи се со ласкавци, изгуби се и умри, има
ли таква максима? Ако нема, да се измисли.

Има и нешто полошо од тоа да те фалат, а тоа е:
сам да се фалиш. Јас ова, јас она... јас па јас. Кој
сака самобендисани? Никој. Може мајка им, а
може ни таа. А се пофалиш, треба некој да те
перне по глава. За памет. Може нема да се
фалиш ко ќе пораснеш... ако пораснеш.

За своите фалби да кажам, што да кажам? А се
пофалам – мрак. И пак не ми доаѓа памет.
Во Охрид бев најдобар пациент, почнав да се
фалам, сум си прошол како на одмор, права
уживанција... операција – голема работа, и оп-
си дојдов дома, компликации постоперативни,
инекции во стомак, нема одење, лежи и мисли...
лежи со месеци... И пак исто... почнав да се фалам
овој пат, дека најдобро инекции си ставам... штом
се пофалив така, си ставив една, и оп – крв од мевот.
Па фали се пак...

И пак исто...еве вчера, ставам јас Леонар Коен
на фб...и Игор ми вика, „почнавме посериозни
работи“...и јас, не издржа срце, сива клетка...
одговарам: „почнав да спијам ноќе“.

3.angeli.so.truba

Ајде? Значи спиеш, а? Е оди сега заспиј да те видам,
фалбаџи прост...еве, сега е веќе 5.35, ново утро
осамна, а јас око не сум склопил цела вечер...
се препушив... чекам
некој да стане... за муабет.
Да се пофалам како не сум спиел.