Скопје, 12.03. 2010- Ману

Денес во МАНУ, д-р Исак Адижес, еден од најпознатите експерти од областа на менаџментот и лидерството,  беше промовиран за член на Македонската академија на науките и уметностите надвор од работниот состав.

По тој повод, тој даде промотивно предавање на тема „ Можно ли е да се предвиди успехот на еден систем (компанија или земја)“, управување со промени со еден систем и препознавање на можностите и заканите кои проислегуваат од нив. . По пристапната беседа, во организација на МАНУ, а во спонсорство на г-дин Светозар Јаневски, беше промовирана книгата, преведена на македонски јазик „Управување со корпоративни животни циклуси“.

Лиценцата за промоција и спроведување на програмата на Адижес топ лидершип во земјава ја има Клиер вју центарот. Програмата досега ја посетиле околу 200 менаџери .

Македонските менаџери навреме да ги препознаат и да ги третираат проблемите за полесно да се справат со кризата, советува Исак Адижес,  компаниите да ги следат светските трендови и да го сменат пристапот и управувањето со промените :
„Ако не ги третираме денешните нормални проблеми, тогаш тие ќе станат ненормални и ќе се случат фатални последици. Добриот менаџер треба да знае кои проблеми однапред да ги третира за да не се соочи со потешкотии“, смета Адижес.