Житие на светиот Патрик Ирски, рамноапостолен, просветител на Ирска


Светиот Патрик е роден во Ирска околу 385 година, син на Калпурниус, Римски даночник. Тој живел во селото Банавем Таверние, место кое се лоцира во устата на Северната река во Велс . Ова место е опустошено од пирати кога Патрик имал 16 години, и тој бил еден од грабнатите. Тој бил донесен во Ирска и продаден како роб, каде работел како одгледувач на свињи. За време на оваа негова работа, тој убаво го научил ирскиот јазик, нешто кое подоцна ќе му помогне во неговата просветителска мисија. Постојано се молел на планината и живеел таму шест години. За тоа време имал две визии. Едната му велела да се врати дома, а втората, дека неговиот брод го очекува. Патрик решава и пеш поминува две илјади милји до брегот каде се враќа во родната Британија, кај неговите родители. По некое време тој заминал во Галија, каде учел теологија од свети Герман. Гледајќи ја неговата вера, црквата го назначува за епископ и го праќа на мисија во Ирска, како наследник на светиот Паладиј. Светиот Паладиј немал многу успех како проповедник во Ирска. По една година заминал за Шкотска, каде сонувал сон, како ангел доаѓа при него, носејќи му многу писма. Бирајќи едно, тој слушнал глас на ирски како му вели: „дојди и помогни ни“. Сличноста на овој повик нас многу ни е блиска (доаѓањето на св. ап. Павле во Македонија, видението во Троада) .
Иако Светиот Патрик имал извонредни резултати во ширењето на Евангелието, тој не е првиот мисионер во Ирска. Тој дошол негде околу 432 година , кога починал светиот Паладиј. Имало и други мисионери кои биле активни на јужниот брег, но светиот Патрик имал најголемо влијание и успех во проповедањето на Евангелието на Христа. Затоа е познат како „Просветител на Ирска“.
Неговата автобиографска „ Исповед“ , кажува за сите судови и разочарувања што тој ги поминал. Светиот Патрик еднаш му кажал на близок пријател за еден грев што постојано го мачел, кој го направил кога имал петтнаесет години. Пријателот му спомнал за Божјата милост и дури го поддржал за епископ. Подоцна, тој се свртел против него и го открил тоа што светиот Патрик му го доверил. Многу години подоцна, светиот Патрик плачел за својот драг пријател, кој јавно го посрамотил.
Светиот Патрик основал многу цркви и манастири низ цела Ирска, но покрстувањето на ирците не била лесна задача. Имало многу непријателство, и самиот тој бил нападнат неколку пати. Се соочил со опасност, навреди и го гледале како бегалец и поранешен роб. Имало голема веројатност и дека паганите би го убиле. И покрај ова останал верен на Христа, покрстувајќи многу ирци.
Во неговиот „Оклоп“(Лорика), ја гледаме свесноста на светиот Патрик за неговиот повик од Бога и неговата скромност во прифаќањето на овој повик. Самиот се нарекува „грешник“ и некој, кој е „угнетен од мнозина“. Својот успех го препишува на Бога, повеќе отколку на своите таленти „ова го должам на Божјата благодат, та преку мене мнозина други да се родат во Него“. Во времето кога го основал епископатот во Армаг , во 444 година, светиот Патрик имал и други епископи што му помагале, домородно свештенство и ѓаконство, потпомагајќи го растот на монаштвото.
На фреските светиот Патрик се слика со детелинка, или како змиите бегаат од него. Тој ја користел детелината за сликовито да им ја прикаже на ирците, тајната за Света Троица. Од едно стебленце растат три ливчиња, една суштина во три лица .
Светиот Патрик починал на 17 Март, 461 (некои велат 492). Никој не знае каде светиот Патрик е погребан .

ПРОБЛЕМОТ НА СВЕТОСТА?
Интересно е што Патрик не е канонизиран за светител, ниту од Западната црква, ниту од Источната црква. Проблемот не можеме да го препишеме на никого, можеби дека неговите мошти останале непронајдени. Писателот Кен Конканон вели: „ Порано немало формална канонизација, посебно во првите векови. Во раната црква, титулата светител припаѓала на мачениците, а потоа на индивидуи препознати од традицијата и од народот како свети“.
Ретко кој Ирски светител, вклучувајќи го и Патрик, да биде формално канонизиран, освен еден. Исклучокот е Фергал, познат како свети Виргилиј од Салзбург, во 8 век, кој е канонизиран за светител во 1233 година од папата Грегориј IX. Свети Виргил е еден од четирите ирски светители кој е канонизиран во Рим.
Немало формален процес на канонизација во времето кога умрел светиот Патрик. Тој е прогласен за светител од населението, секако со согласност на епископ. Официјалниот процес на канонизација нам ни е познат дури во 12 век. Да не заборавиме дека канонизацијата е само на хартија. Народот е тој кој го препознава светителот и Црквата е таа која го прифаќа. Мерка за светост нема! Онаа мисија која ја завршил светиот Патрик, во времето кога светата Црква е неподелена, го прави рамноапостолен.
Светиот Патрик е оној кој се борел и против робовладетелството уште во тоа време.
Светителот најмногу се слави во Ирска и Соединетите Американски Држави. Датумот на неговото прославување е 17 Март.

Тропар гл. 1
Чедо на Британија, На Ирска пофалба, На Единосушната Троица Громогласниот проповедник Патрик да го прославиме, верни, Великиот јерарх Христов. Зашто тој се моли за простување на гревовите, На оние кои благоговејно повикуваат: Слава на Оној кој ти даде сила, Слава на Оној кој те овенчал, Слава на Оној кој преку тебе им дава На сите исцеленија.

Тропар гл. 3
Со учењето на Божествената вера, Си ја просветил Ирска и прелеста на идолите си ја разрушил, Подражајќи ù на ревноста на апостолите, Чудотворче Свештеноначалниче Патриче. Отче Преподобне, Христа Бога моли Го, Да им подари на душите наши голема милост.

Кондак гл. 8 (подобен Возбраној)
Пресветлиот просветител на Ирска и рамносилниот подражател на Апостолите, Ние кои се собравме радосно, да го воспееме: Ти, кој си добил смелост пред Господа, Моли се, да се ослободат од секакви маки Оние, кои ти повикуваат: Радувај се, отче Патриче.

Во приложение ви ја доставуваме црковното последование кон св. Патрик Ирски:

Служба на св. Патрик Ирски – мк превод

Подготвил: теолог Стефан Цветановски
st. Patrick's day

+++

Штитот на св. Патрик: Молитвата на Еленот

 17/03/2015   Поуки - совети

I arise today
Through a mighty strength, the invocation of the Trinity,
Through a belief in the Threeness,
Through confession of the Oneness
Of the Creator of creation.

I arise today
Through the strength of Christ’s birth and His baptism,
Through the strength of His crucifixion and His burial,
Through the strength of His resurrection and His ascension,
Through the strength of His descent for the judgment of doom.

I arise today
Through the strength of the love of cherubim,
In obedience of angels,
In service of archangels,
In the hope of resurrection to meet with reward,
In the prayers of patriarchs,
In preachings of the apostles,
In faiths of confessors,
In innocence of virgins,
In deeds of righteous men.

I arise today
Through the strength of heaven;
Light of the sun,
Splendor of fire,
Speed of lightning,
Swiftness of the wind,
Depth of the sea,
Stability of the earth,
Firmness of the rock.

I arise today
Through God’s strength to pilot me;
God’s might to uphold me,
God’s wisdom to guide me,
God’s eye to look before me,
God’s ear to hear me,
God’s word to speak for me,
God’s hand to guard me,
God’s way to lie before me,
God’s shield to protect me,
God’s hosts to save me
From snares of the devil,
From temptations of vices,
From every one who desires me ill,
Afar and anear,
Alone or in a mulitude.

I summon today all these powers between me and evil,
Against every cruel merciless power that opposes my body and soul,
Against incantations of false prophets,
Against black laws of pagandom,
Against false laws of heretics,
Against craft of idolatry,
Against spells of women and smiths and wizards,
Against every knowledge that corrupts man’s body and soul.
Christ shield me today
Against poison, against burning,
Against drowning, against wounding,
So that reward may come to me in abundance.

Christ with me, Christ before me, Christ behind me,
Christ in me, Christ beneath me, Christ above me,
Christ on my right, Christ on my left,
Christ when I lie down, Christ when I sit down,
Christ in the heart of every man who thinks of me,
Christ in the mouth of every man who speaks of me,
Christ in the eye that sees me,
Christ in the ear that hears me.

I arise today
Through a mighty strength, the invocation of the Trinity,
Through a belief in the Threeness,
Through a confession of the Oneness
Of the Creator of creation

St. Patrick (ca. 377)

https://www.youtube.com/watch?v=JmDBNUyGa08

Химната на св. Патрик: Молитвата на еленот

Станувам денес со голема сила,
Повикувајќи кон Троицата,
верувајќи во Троичноста,
исповедувајќи го Единството
на Творецот на сета твар.

Станувам денес
со силата на Христос и Неговото Крштение,
со силата на Неговото Распетие и Погребение,
со силата на Неговото Воскресение и Вознесение,
со Силата на Неговото пришествие на последниот Суд.

Станувам денес,
во љубовта на Херувимите,
во послушанието на Ангелите,
во службата на Архангелите,
во надежта на наградата на воскресението,
во молитвите на Патријарсите,
во проповедта на Апостолите,
во верата на Исповедниците,
во непорочноста на Девствениците,
во делата на ПРаведниците.

Станувам денес,
во силата на Небото,
светлината на Сонцето,
Сјајот на Месецот,
славата на Огнот,
брзината на Молњата,
поривот на Ветрот,
длабочината на морето,
постојаноста на Земјата,
крепоста на Каменот.

Станувам денес,
со Божјата сила, која ме води,
со Божјата моќ, која ме поткрепува,
со Божјата мудорст, која ме упатувам,
со Божјото око, кое ме запазува,
со Божјото уво, кое ме слуша,
со Божјото слово, кое ми зборува,
со Божјата дланка, која ме чува,
со Божјиот пат, кој ми претстои мене,
со Божјиот штит, кој ме заштитува,
Божјото воинство, кое ме сочувува
од демонските замки,
од скверни искушенија,
од похотите на природата,
од сите кои ми посакуваат зло,
далечни и блиски,
единствени и разделени.

Ги призивам сега,
сите тие сили да ме заштитат
од се, што без милост се крева
против мојата душа и тело,
од клетвите на лажните пророци,
од злобните совети на јазичниците,
од измамата на идолопоклонството,
од злобното магеспништво,
од тоа знаење, што ги погубува душата и телото.

Христос ме заштитува
од јадот и огнот,
од потопи и рани
за да ми подари богатство во изобилие.

Христос е со мене,
Христос е пред мене, Христос е зад мене,
Христос е во мене, под и над мене,
Христос е оддесно, Христос е одлево,
Каде што лежам, каде што стојам и седам,
Христос е во срцата на оние што мислат за мене,
Христос е во устата на оние што зборуваат за мене,
Христос е во очите на оние кои ме гледаат,
Христос е во ушите на оние кои ме слушаат.

Станувам денес со големата сила
на повикувањето кон Троица,
со вера во Троичноста, исповедање на Единството,
на Творецот на сета твар.
Спасението е од Господ.
Спасението е од Господ.
Спасението е од Христос.
Спасението Твое, Господи,
секогаш да биде со нас.
Амин!