Скопје, 02.07.2017- храм на св. пророк Илија на празникот наСветиот апостол Јуда, Преподобен Паисиј Велики
Во четвртата недела по Педесетница,кога Светата Црква молитвено го празнува споменот на Светиот апостол Јуда, Преподобен Паисиј Велики , во храмот на св.пророк Илија , во населбата Аеродром, во Скопје, свешеникот Ангел Сердарски во сослужение на ѓаконот Васил Крстовски отслужи Божествена Литургија. На Литургијата верниот народ се причести со Светите Христови Тајни.По литургијата отецот произнесе празнична беседа.
Човековото спасение зависи од молитвата, бидејќи тоа е она што приближува и соединува кон Бог. Кога човекот се наоѓа во близина Божја, наполно природно е да не скршнува од етичкиот пат, зашто вложува внимание во секој свој чекор. И покрај сето наше внимание, ѓаволот не престанува да нe сопнува, зашто сака да нe изненади во миг на слабост и да нe одвлечка на својот пат, кој секогаш води вртоглаво надолу. Од таа причина, драги мои чеда, од нас нужно се бара постојано да се вооружуваме со непрестајната молитва на нашиот најсладок Исус.
Преминпортал (к.т.)
