09 август 2013 год.- манастир на св. Пантелејмон, Нерези (скопско)
Глас трети:
Страдалниче светии лекаре Пантелејмоне.моли Го милостивиот Бог, да ни дарува прошка на гревовите на нашите души.
На 9-ти август 2013 година, во шестата недела по Педесетница, на празникот на св. Климент Охридски; св. Седмочисленици; св. вмч. Пантелејмон, во манастирот посветен на свети великомаченик Пантелејмон, во с. Нерези (скопско), отец Бобан Митевски, во сослужение на свштеникот Веле Спирковски и ѓаконот Зоран Велковски, отслужи Божествена Литургија. На певницата молитви кон Бог принесе визнтискиот хор „Хармосони“. Бројниот верниот народ се причести со Светите Христови Тајни. Во текот на бдението, на поклонение беа донесени честици од моштите на свети вмч. Пантелјмон, свети Серафим Саровски, свети Димитриј Ростовски и свети Теофан Затворник и честица од чесниот Крст. На крајот на бдението отец Бобан гостољубиво не повика на трпезата на љубовта.
ИМПРЕСИИ- ОД СЕНОЌНОТО БДЕНИЕ
На планинарите кои се подготвуваат за искачување на Килиманџаро им се препорачува да сликаат што повеќе затоа што во напорот на искачувањето не можат да ја согледаат и подоцна пренесат убавината на настанот. Слично доживуваат и вашите известувачи додека ја составуваат веста за ова бдение. Уште повеќе го разбираме светиот апостол Павле кога во Второто послание до Коринтјаните не може да ги пренесе своите доживувања на Третото Небо (2 Кор.12,2-4).
Веќе промената на климата во црковниот двор по вжештените асфалт и бетон на градот ни ја навести убавината на настанот. Византиското пеење на хорот „Хармосини“ нежно нè пречека и почна духовно да нè воздигнува. На поклонение беа донесени светите честици од Чесниот животворен крст Господов и моштите на светителите.
Духовната подпора на Светиот великомаченик и исцелител Пантелејмон; Светиот Климент архиепископ Охридски; и светите Седмочисленици можеше да се почувствува со умот и срцето.
Конечно, зората над градот ги поздрави поклониците, отец Бобан Митевски благослови така да ни обзори и нашето покајание, а трудот на рацете на повеќето поклоници даде телесна подкрепа .(Ратислав Кардалев)
Преминпортал (к.т/р.к.)
9-ти август, лето Господово 2013
Друго:
+Светите Козма и Дамјан; Светиот маченик принцот Ерминигелд; Преподобниот маченик Јаков со учениците Јаков и Дионисиј;
