Тропар на Светиот Апостол Христов
Симон Зилот
10 мај / 23 мај

Надминувајќи ја плотската зависност,
нозете Спасителеви ги прегрна, и по стапките Негови поита,
о Симоне, велики ревнителу, Христов ученику,
не само што чашата Негова ја испи, туку до крај и Крстот го вкуси,
о учителе на трпението, моли се сега за нас пред Христа Бога, од престолот на дванаесетмината, за да и ние го пречекаме Женикот, со палмови гранчиња и избелена одора.

друг:
 

Ревнителу на љубовта, смирен Христов ученику,

апостол Симоне, патот кон вечноста за тебе се отвори,

кога земната суета ја остави

и поита на Бога да послужиш.

Радувај се апостоле, радувај се мачениче

и од Бога измоли за нас спасение.

Извор МПЦ – ОА
Манастир свети Јован Претеча Слепче

 
Извор МПЦ – ОА
Манастир свети Јован Претеча Слепче

 Тропар на преподобната
мајка Исидора
јуродива
10 мај / 23 мај

Ангел Божји помеѓу луѓето,
кој со срцето од Бога не отстапи,
девственичке света,
обрезана заради Небесното Царство,
света Исидоро моли се за нас сиромавите,
кои не се удостоивме да ги видиме стапалките твои,
кои итаат кон Небесните висини.

 
Извор МПЦ – ОА
Манастир свети Јован Претеча Слепче

Тропар на светите браќа
маченици Христови
Алфиј, Филаделф и Кипријан
10 мај / 23 мај

Како да ве восфалиме маченици свети
Алфие, Филаделфе и Кипријане не знаеме,
но благодарност за вашите молитви
пред Бога принесени за наше спасение искажуваме,
и се поклонуваме на вашите за верата
чесни страдања, кои Христа го исповедаа
и до крај трпение покажаа во слава Негова.

 
Извор МПЦ – ОА
Манастир свети Јован Претеча Слепче

 Тропар на преподобниот маченик
Исихиј Антиохиски
10 мај / 23 мај

Чест и пофалба воздавајќи на светиите Христови,
името твое Исихие не го забораваме
бидејќи душа ќе ни се помрачи без твоите свети молитви,
кои во смирение кон Бога ги вознесуваше.
Знаејќи за привременоста,
маченику преисполнет со благодатта
поведи нѐ по небесната патека.

 
Извор МПЦ – ОА
Манастир свети Јован Претеча Слепче

Тропар на преподобниот отец
Исихиј Мајонски
10 мај / 23 мај

Блажен е животот твој кој на земјата
го помина оче преподобен Исихие,
смирението и кротоста крошна за тебе
направија на гората Мајонска, каде Христа
Го прослави преку многу чудеса.
Помоли се и сега за нас
оче свети од гората Небесна.

 
Извор МПЦ – ОА
Манастир свети Јован Претеча Слепче

Тропар на преподобниот епископ
Симеон Владимирски
10 мај / 23 мај

Нетрулежното тело твое не е награда,
туку сведоштво за љубовта твоја кон Христа,
и учителите Печерски кои те приведоа
кон изворот на животот, о Симеоне пофалбо на црквата. Надевајќи се на молитвите твои и фалејќи ја ревноста,
да ги поддржуваш во врлините древните пастири,
кон Господа воскликнуваме: Алилуја, слава Ти Боже.

 
Извор МПЦ – ОА
Манастир свети Јован Претеча Слепче

Тропар на светата блажена
Таиса
10 мај / 23 мај

О, блажена мајко, покајание пресвето
кое светлосен зрак од Небото измоли,
Таисо примеру неодминлив за
оние кои да плачат не знаат.
Моли се за нас горделивите,
Христос мир и покој да даде
на нашите души обременети.

Преп. Јоаким Крчовски

10 мај / 23 мај

Тропар на св. Јоаким Крчовски, глас 5.
Ревноста твоја по Христа Господа, наставник те направи на православните,

вистината која ослободува ја полагаше пред секоја душа Човечка,

о Јоакиме пастиру Божји, моли се за нас оче свети,

непрестајно да стражариме над себеси, по твоите свети молитви.
https://youtu.be/xLHu5HhHM_c

Просветител и учител за Христовата правда и Божјите заповеди. Најпрвин беше женет свештеник и имаше три синови, од кои двајца станаа свештеници. Откако остана вдовец се замонаши во Осоговскиот манастир. Се упокои мирно во 1820 година.

Извор МПЦ – ОА
Манастир свети Јован Претеча Слепче

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2024 лето Господово

Од Верскиот календар:

Светиот апостол Симон Зилот

Еден од Дванаесеттемина (големи) апостоли. Беше родум од Кана Галилејска. На свадба му дојде Господ Исус со мајка му и со учениците. Кога снема вино, Господ претвори вода во вино. Кога го виде ова, младоженецот ги остави домот, родителите и невестата, па тргна по Христа. Зилот значи Ревнител. А Симон е наречен Ревнител заради неговата голема и огнена ревност кон Спасителот и кон Неговото Евангелие. Кога Го прими Светиот Дух, Симон отиде да го проповеда Евангелието во Мавританија во Африка. Откако успеа мнозина да ги обрати во верата Христова, беше мачен и најпосле распнат на крст како неговиот Господ, Којшто му приготви венец на слава во бесмртното царство.

Светите маченици Алфеј, Филаделф и Кирин

Родени браќа, синови на некој кнез Виталиј во Јужна Италија. Прекрасни во благородството, силни во верата. Судени за верата во Христа; водени од еден судија до друг, од еден мачител до друг. Одведени во Сицилија и таму убиени во времето на царот Ликиниј. На Алфеј му го отсекоа јазикот. Од излив на крвта Алфеј умре. Филаделф беше изгорен на железна леса, а Кирин во оган. Нивните нетлени мошти беа пронајдени во 1517 година. Овие тројца браќа ѝ се јавија на Света Евталија (под 2 март).

Преподобна Исидора Јуродива

Живееше во 4 век и беше монахиња во женскиот манастир во Тавенисиот. Се правеше луда за да ја скрие својата добродетел и својот подвиг. Ги работеше највалканите работи, се хранеше со помии од садовите, ги услужуваше сите и секого и беше презирана од сите и од секого. Во тоа време ангел Божји му ја откри на еден голем подвижник, Питирим, тајната за Исидора. Питирим дојде во женскиот манастир и кога ја виде до земја ѝ се поклони. Тогаш сестрите му кажаа на Питирим дека таа е луда. „Вие сте луди“, им одговори Питирим, „а оваа е поголема пред Господ и од мене и од вас. Јас само Го молам Бога да ми го даде мене она што нејзе ѝ е одредено на Страшниот Суд“. Тогаш сестрите се засрамија и ги молеа Питирим и Исидора за прошка. Оттогаш сите почнаа да ѝ укажуваат чест. А таа, за да ги избегне почестите од луѓето, побегна од манастирот и не се знае каде умре, околу 365 година.

Блажената Таиса

Богата девојка, христијанка, во Мисир. Се реши да не стапува во брак, а имотот им го раздаде на пустинските монаси. Кога го потроши сиот имот, се предаде на развратен живот. Монасите, кога слушнаа за ова, го замолија авва Јован Колов, па тој појде во Александрија и почна да плаче пред Таиса. Штом го чу старецот како плаче за нејзините гревови, веднаш се покаја и ја остави куќата и воопшто сѐ, па тргна во пустината по Светителот. По патот ноќе, кога таа спиеше а Јован стоеше на молитва, тој ги виде ангелите како ја зедоа нејзината душа во голема светлина. И позна Јован дека нејзиното миговно но топло покајание Му беше поугодно на Бога од долгогодишното надворешно покајание на мнозина отшелници.