Економист - Лондон

Шерил Сендберг, главен оперативен директор во Фејсбук, очекува продлабочување на влијанието на социјалните медиуми во се, почнувајќи од приватните животи до претседателовата политика.

„Законот на споделување“ на Марк Цукерберг за социјалните медиуми е она што е законот на Мур за моќта на компјутерите. Смислен пред неколку години, законот на основачот на Фејсбук потенцира дека количината на информации кои дигитално се споделуваат, секоја година ќе се удвојува. Ова нема да биде поочигледно отколку во 2012. Низ целиот свет луѓето ќе споделуваат се повеќе и повеќе од нивниот живот онлајн, со што ќе ги трансформираат односите на секое ниво - и лично, и комерцијално и институционално.

Се додека се повеќе се споделуваме онлајн, ќе откриеме дека без разлика дали сме во три димензии или во две, се повеќе ќе одекнува еден глас. Употребата на социјалните медиуми оди кон сплотување на нашите виртуелни и релани ние. На една прочуена карикатура стоеше: „На интернет никој не знае дека си куче“. Сега кучињата си имаат свои профили, иако се сомневам дека некој им помага во пишувањето.

Објавувањето на нашиот автентичен идентитет ќе стане уште попроширено во годината која доаѓа. Профилите повеќе нема да бидат само матрици, туку детални автопортрети кои навистина сме, вклучуваји ги и книгите кои ги читаме, музиката која ја слушаме, далечината која ја истрчуваме, местата на кои патуваме, каузата која ја подржуваме, видео клиповите со мачки на кои се смееме, на нашите „лајкови“ и нашите линкови. И да, на овој преод кон автентичноста ќе се навикнеме и тоа ќе биде причина за плачки за загубената интимност. Но, луѓето се повеќе ќе ја препознаваат користа од таквото изразување, бидејќи силата на социјалните медиуми е тоа дека ги поттикнува индивидуалците да ги појачаат и искажуваат нивните гласови. Колку е повистинит тој глас, ќе звучи погласно и ќе стигне подалеку.

Социјалните медиуми ќе продолжат да ја истакнуваат конвенцоналната мудрост со употреба на технологиите, и повеќе ќе обединува отколку да разединува. Писателите на научна фантастика од минатиот век замислуваа свет каде модерноста ќе води кон отуѓување. Всушност, се случува токму спротивното. Технологиите го зближиваат светот - и на очигледен и на изненадувачки начин.

Еве еден очигледен пример: како и многу други, и јас постирав фотографии на моите деца за моите родтели кои живеат 5,000 километри далеку можат да гледаат како тие растат. Ги споделив затоа што тие се грижливи. Она што е помалку очигедно, но е уште попредизвиквачко, е новата парадигма каде приказната, фотографијата, молбата е постирана од странец и преку поврзувањата, многумина можат да ги видат. За возврат, информацијата провоцира силни чувства кај гледачите - симпатија, бес, солидарност. Одеднаш, „Споделувам, затоа што тие се грижат“ се превртува и станува „Се грижам, затоа што тие споделуваат“.

Превртувањето на оваа причина и нејзиниот ефект ќе имаат длабоко влијание во 2012 и понатаму. Некоја жена постира порака за откажувањето на бубрег кај нејзиниот сопруг и потребен е донатор со крвна група О. На ова и одговара некој комичар. Се испоставува дека е тој соодветен. Трансплантацијата е успешна. Но потажно од ова може да биде кога деветгодишно девојче загинува во сообраќајна несреќа. Таа претходно започнала широкограда акција за луѓето да донираат прилози за изгадба на бунари во Африка, со надеж дека ќе собере 300 долари. Луѓе од целиот свет одговараат на ова и во нејзин спомен се собрале повеќе од 1,2 милиони долари. Врските кои започнале на емоционална основа ќе се зацврснуваат се повеќе и повеќе. Она што започнало онлајн не останува само онлајн. Во следната година, додека се зголемува нашето споделување, се зголемува и грижливоста, што ќе доведе до неверојатни чинови на великодушност и храброст - и на мала и на голема основа.

Врската со грижливоста

Во 2012, годината на американските претседателски избори, социјалните медиуми ќе бидат повеќе вклучени и поангажирани отколку било кога. И тоа не само од нашите столчиња, од каде пишуваме онлајн коментари колку што можеме побрзо. Неодамнешната студија на Пју откри дека корисниците на Фејсбук сакаат двапати повеќе да учествуваат на политичките состаноци и на митинзите. Споделувањето онлајн директно води до офлајн учество и актизиам. Овој феномен ќе се повторува низ целиот свет, на локалните и националните политички дебати и избори.

Кога Исланд го донесе нацртот на новиот устав во 2011, ги користеше социјалните медиуми за да се даваат „мислења за ревизија“ од нејзините граѓани. По земјотресите на Нов Зеланд, кога беа уништени домовите и претпријатијата во Крајстчрч, со штети проценети на повеќе од 10 милијарди долари, социјалните медиуми и озвоможија на владата да ги пврзе луѓето со ресурсите кои им беа потребни за повторна изградба на нивните животи. А на Блискиот исток, египетскиот народ се спротивстави со владата која не сакаше да ги ислуша и ги користеа социјалните технологии за да се засили нивниот глас. Технологиите им даваат и име и лице - значи, вистински идентитет - на оние кои дотогаш беа невидливи, и го појачува тонот на гласот кој можеби бил премногу тивок за да се слушне.

Нема сомнеж дека додека загазуваме во 2012 и понатаму ќе гледаме потврдување на цукенберговиот закон за споделување. Исто така ќе бидеме сведоци на појавување на нешто ново - на „врска со грижливоста“ - што покажува дека додека ја зголемуваме количината на социјални информации онлајн, исто така ќе го зголемиме нашиот одговор на тие информации, и со зборови и со дела. Поголемото споделување низ целиот свет е неизбежно. Подлабоката и побогатата грижливост ќе стане уште посуштинска. ат/13:59