,,Света Дево“ е една од најпеаните црковни Химни која ја напиша и компонираше, еден од големите светилници на православието Св. Нектариј Егински, чиј спомен денеска го празнуваме.
Bogorodica.Eginska
Икона на Мајката Божја која што се наоѓа во келијата на Свети Нектариј Егински на островот Егина во Грција, и која е направена на Света Гора специјално за него по Божјо видение. За ова икона тој ја напишал химната за Богородица “Света Дево”. Од иконата се шири огромна благодат и благоухание.
Свети Нектариј е роден на 1 октомври 1846 година, во Силвира, регионот на Траки (Грција), како петто од вкупно шест деца во сиромашно семејство. На возраст од 14 години се пресели во Константинопол, каде што почна да работи за да може да го продолжи образованието.
22 117
Во 1866 година се пресели на островот Хиос, каде што го надополни своето образование. Во 1876 година, на возраст од 30 години, се замонаши. Во 1885 година дипломираше на Универзитетот во Атина. По дипломирањето, замина во Александрија каде што беше ракоположен за јеромонах.
Заради неговата побожност и дарба за проповед на Евангелието, во 1889 година беше назначен за Митрополит на Пентапол. Остана во Каиро една година, и неправедно и без објаснување беше преместен далеку од Египет, како резултат на клевети и лаги кажани за него. Во 1891 година се врати во Грција, и две години служеше на Евија. Во 1894 година беше именуван за директор на Црковното училиште. Во 1904 година, на барање на неколку монахињи, основа женски манастир на островот Егина. Во декември 1908 година, на возраст од 62 години, ја напушти функцијата директор, и се пресели во манастирот, каде што остана до крајот на својот живот, во длабоко тихување како монах. Последните неколку години свети Нектариј боледуваше, и последните денови ги помина во болница во Атина, каде што и се претстави пред Господа, на 21 ноември 1920 година, на 74-годишна возраст. Кога докторите дојдоа да го пресоблечат, случајно неговата кошула ја фрлија на соседниот кревет на кој лежеше парализиран човек. Штом се допре до кошулата, парализираниот се излекува. Кога го пренесуваа од Атина во Егина, непрекинато течеше миро од неговото чело. На неговиот погреб присуствуваше многуброен народ. Пристигнуваа од секаде, за да се допрат до свети Нектариј. Вброен е во ликот на светителите на 20 април 1961 година.
СВЕТА ДЕВО ВЛАДИЧИЦЕ, НЕСКВЕРНА БОГОРОДИЦЕ
РАДУЈСЕ НЕВЕСТО НЕНЕВЕСНА
ДЕВОЈКО МАЈКО ГОСПОДАРКЕ, ТИ РУНО СЕ ОРОСЕНА
РАДУЈСЕ НЕВЕСТО НЕНЕВЕСНА
ВОЗВЕЛИЧЕНА НА НЕБЕСАТА, ОД ЗРАЦИТЕ ПОБЛЕСКАВА
РАДУЈСЕ НЕВЕСТО НЕНЕВЕСНА
РАДОСТ НА ХОРОВИТЕ ДЕСТВЕНИ, ОД АНГЕЛИТЕ ПОСИЛНА
РАДУЈСЕ НЕВЕСТО НЕНЕВЕСНА
ПОСВЕТЛА ОД НЕБЕСАТА, ОД СВЕТЛИНАТА ПОЧИСТА
РАДУЈСЕ НЕВЕСТО НЕНЕВЕСНА
ОД СИТЕ НЕБЕСНИ ВОИНСТВА ПОСВЕТА СИ
РАДУЈСЕ НЕВЕСТО НЕНЕВЕСНА
МАРИЕ ПРИСНО ДЕВО, НА СЕТА ВСЕЛЕНА ГОСПОДАРКЕ
РАДУЈСЕ НЕВЕСТО НЕНЕВЕСНА
СМЕРНА ДЕВО ПРЕЧИСТА, СЕСВЕТА ВЛАДЕТЕЛКЕ
РАДУЈСЕ НЕВЕСТО НЕНЕВЕСНА
БЛАГОСЛОВЕНА МАРИЕ, НА РАДОСТА НАША ПРИЧИНО
РАДУЈСЕ НЕВЕСТО НЕНЕВЕСНА
ДОСТОЈНА ДЕВО, ЦАРИЦЕ ПРЕСВЕТА МАЈКО
РАДУЈСЕ НЕВЕСТО НЕНЕВЕСНА
ПОЧЕСТВУВАНА ОД ХЕРУВИМИТЕ, И ПОСЛАВНА ОД СЕРАФИМИТЕ
РАДУЈСЕ НЕВЕСТО НЕНЕВЕСНА
ОД ПРЕСТОЛИТЕ ПОСИЛНА СИ, РАДУЈСЕ НЕВЕСТО НЕНЕВЕСНА
РАДУЈСЕ ПЕСНО ХЕРУВИМСКА, РАДУЈСЕ ХИМНО АНГЕЛСКА
РАДУЈСЕ НЕВЕСТО НЕНЕВЕСНА
РАДУЈСЕ ОДО НА СЕРАФИМИТЕ И РАДОСТ НА АРХАНГЕЛИТЕ
РАДУЈСЕ НЕВЕСТО НЕНЕВЕСНА
РАДУЈСЕ МИРУ И ВЕСЕЛИЕ И ПРИСТАН НА СПАСЕНИЕТО
РАДУЈСЕ НЕВЕСТО НЕНЕВЕСНА
НА СЛОВОТО ЧЕРТОГУ СВЕТ, ЦУТУ НА НЕТЛЕНИЕТО
РАДУЈСЕ НЕВЕСТО НЕНЕВЕСНА
РАДУЈСЕ ГРАДИНО ИЗОБИЛНА, НА ВЕЧНОСТА И НА ЖИВОТОТ
РАДУЈСЕ НЕВЕСТО НЕНЕВЕСНА
РАДУЈСЕ ДРВО НА ЖИВОТОТ, НА БЕСМРТНОСТА ИСТОЧНИКУ
РАДУЈСЕ НЕВЕСТО НЕНЕВЕСНА
ТЕБЕ ТЕ МОЛАМ ЦАРИЦЕ, ТЕБЕ СЕГА ТЕ ПРИЗИВАМ
РАДУЈСЕ НЕВЕСТО НЕНЕВЕСНА
ТЕБЕ ТЕ СМИЛОСТИВУВАМ И РАДОСТ СЕГА БАРАМ
РАДУЈСЕ НЕВЕСТО НЕНЕВЕСНА
ДЕВОЈКО КРОТКА И БЕЗГРЕШНА, ВЛАДИЧИЦЕ ДЕВСТВЕНА
РАДУЈСЕ НЕВЕСТО НЕНЕВЕСНА....
ТЕБЕ ХРАМУ ДУХОВЕН, ГОРЕШТО ТЕ ПРЕКОЛНУВАМ
РАДУЈСЕ НЕВЕСТО НЕНЕВЕСНА
ПРИФАТИМЕ, ПРИФАТИМЕ, ОД ДУШМАНОТ ИЗБАВИМЕ
РАДУЈСЕ НЕВЕСТО НЕНЕВЕСНА....
И НА ЖИВОТОТ ВЕЧЕН, НАСЛЕДНИК ПОКАЖИМЕ
РАДУЈСЕ НЕВЕСТО НЕНЕВЕСНА
https://www.youtube.com/watch?v=5XLMjIpvP5A&t=63s
