САБОТА ПО БОГОЈАВЛЕНИЕ

Апостолот ги облекува Христијаните во сето оружје Божјо (Еф. 6, 11). Ова е во согласност со минатата поука. Затоа што оној кој што слушајќи го повикот Божји, превзел почеток на нов живот и со помош на благодатта Божја, принесол секаква ревност од своја страна, го очекува борба а не одмарање на душеци. Тој го оставил светот и светот поради тоа ќе почне да го притеснува; тој се оттргнал од власта на ѓаволот, и ѓаволот ќе го гони и ќе му поставува замки за да го оттргне од добриот пат и пак да го врати под своја власт; тој се одрекол од себеси, се одрекол од сопственоста со сето мноштво на страсти, но гревот кој што живее во нас не се согласува одеднаш да се раздели од животот исполнет со самоугодување, па така постојано ќе се обидува, со разни измами, повторно да го воспостави оној поредок на животот со кој што порано така богато се хранел и се наситувал. Ете ти тројца непријатели- секој се безбројна војска. Главен командант е ѓаволот, а негови најблиски помошници се демоните. Тие сите поттикнуваат кон гревовен живот-противници на духовниот живот. Затоа апостолот, како да нема некои други, против нив го наоружува Христијанинот. Затоа што зборува, нашата борба не е против крвта и плотта, туку против началствата, против властите, против светските управители на темнината од овој век, против поднебесните духови на злобата (Еф. 6, 12). Затоа што, доколку не би биле тие, можеби не би имало ни борба. Исто така доколку тие се одбијат и поразат, ние остануваме без непријател. Затоа секој нека види на каде треба да ги усмери своите стрели или во краен случај од која страна треба нејмногу да се чува. И нека се чува! Апостолот навел неколку оружја. Меѓутоа сите тие имаат сила само во Господа. Затоа и искусните духовни борци ни пренеле: со името на Господ Исус победувај ги противниците.

Св. Теофан Затворник - МИСЛИ ЗА СЕКОЈ ДЕН ВО ГОДИНАТА

Извор: СВЕТОСАВЉЕ

Друго: