Скопје 19 мај 2010 год- Универзитетски кампус

Денес, 19 мај 2010 година, по повод  одбележувањето на  24 Мај, денот на сесловенските просветители св. браќа Кирил и Методиј и 61 година од формирањето на најстариот универзитет во земјава „Св. Кирил и Методиј“, во универзитетскиот кампус во Скопје се отслужи Молебен посветен на светите браќата Кирил и Методиј,  со кој  чиноначалствуваше  Архиепископот Охридски и Македонски г.г. Стефан.

А во рамките на одбележувањето на  патронатот на пригодна свеченост,   ректорот на Универзитетот „Св. Кирил и Методиј“, проф. д-р Велимир Стојковски, им врачи плакети на Универзитетот за 2010 година (за значајни остварувања во  високообразовната, научноистражувачката и културната дејност, како и за афирмација на Универзитетот во земјава и странство), на генералниот директор  на „Алкалоид“ АД - Скопје, Живко Мукаетов, и на прв човек на ДООЕЛ „Дасто“ од Скопје,  Стојан Давчев,     за потоа  Ректорот  да  го врачи и  звањето почесен професор на Универзитетот на професор д-р Пламен Легкоступ, ректор на истоимениот Универзитет во Велико Трново, Бугарија. Со пригодна уметничка програма  настапи   македонскиот византиски хор „Хармосин“.

Скопје, 19 мај 2010