Во четринаесетта недела по Педесетница, кога Светата Црква празнува и во спомен на положувањето на појас на Пресвета Богородица и на свети Кипријан Картагински, во Виена, Р. Австрија, Неговото Високопреосвештенство Митрополитот Европски г. Пимен изврши мало осветување на објектот во кој привремено додека не се изгради храмот посветен на „Св. Наум Охридски„ ќе се извршуваат богослужби за верниот македонски народ од Виена и цела Австрија. Објектот кој од сега ќе користи како храм посветен на свети Наум Охридски Чудотворец е придружен со уште еден објект кој се користи како сала за собирање на македонската заедница по завршувањето на богослужбите и други активности на црковната општина од Виена. Двата објекти се наоѓаат на земјиште во сопственост на Македонската православна црква, Европска епархија кое со благослов на Митрополитот г. Пимен е купено со средства и даренија на верниот македонски народ од МПЦО „Св. Наум Охридски„ од Виена, со особено неколкугодишно активно залагање на црковниот одбор од овој град предводен од претседателот господинот Димче Лазовски.
Овој голем ден за нашиот верен народ од Виена и Австрија започна со Света Литургија на која верниот народ се причести со Светите Христови Тајни, а потоа продолжи со заедничко дружење на коктелот. На настанот присуствуваше и Н.Е. амбасадорот на Р. Македонија во Р. Австрија г-ѓа Весна Борозан.
Во поздравното слово Митрополитот г. Пимен истакна трудот во Христа Богочовекот секогаш раѓа добар плод, а еден од тие плодови се и овие објекти сега и на македонско земјиште во Виена, каде по молитвите на свети Наум и нашите молитви ќе никне во наредниве години и прекрасен храм посветен на нашиот охридски подвижник. Храмот и придружните објекти ќе бидат изградени во согласност со традицијата и преданието на црковната архитектура во Македонија. Но, најважнато истакна отец Пимен, е тоа дека не само да се радуваме за тоа што ќе се изгради храм, туку дека само со вистински молитвен и активен христијански живот што ќе се потврдува низ Светата Литургија која ќе се служи во овој храм, нашите имиња ќе бидат запишани на небесата. Митрополитот г. Пимен ги пренесе и поздравите од Неговото Блаженство Архиепископот Охридски и Македонски г.г. Стефан за оваа радост на нашинците од Виена.
Овој радосен настан дојде во денот пред почетокот на Црковната нова година која со векови го осмислува и во Христа го осветува целиот живот на сите и на се. Амин!
Убавите настани ке продолжат со осветување и полагањје камен-темелник за времен храм “Св. Климент Охридски” - Берлин, како и главниот настан во Европската епархија за оваа година, осветувањје и положување камен-темелник за изградба на нов храм “Св. Никола” во Мајнц, Германија!
Известува: ѓакон Горан Стојчевски
