---

 
 Милостив Господи, единствен извору и источнику на чистотата, сочувај нè во Постот. Погледни на нас како припаѓаме ничкум пред Тебе: прими го воздигнувањето на рацете наши, Ти Кој на Дрвото Си ги раширил Своите раце и Си бил распнат заради сите земнородни, единствен Владико на силите ангелски.
Утрена, Чист Петок

 Поуки од светите отци: Ако ти, човеку, не простиш секому кој греши против тебе, не се утврдувај себеси со пост и молитва. Ако ти на братот твој, кому си му нешто лут, не ги простиш неговите долгови, сосема залудно постиш и се молиш, Бог не прима.
Свети Ефрем Сирин

 Ангел претстател од Небесата беше испратен на Богородица да и’ рече: »Радувај се!« И со глас бесплотен, гледаќи како се воплотуваш, Господи, во ужас стоеше воскликнувајќи и’…
Од Акатистот на Богородица

Молитва:
Пресвета Мајко Божја, среде постојаниот притисок да отстапиме од Твојот возљубен Син, моли се за нас: секогаш и одново да му се предаваме Нему и на она за кое Он страдаше за нас, за како верни слуги и нас да нè вброи меѓу Своите ученици. Амин.

Читање од Светото Писмо:
Исаија 3, 1-14
Битие 2, 20-25; 3, 1-20
Соломонови Изреки 3, 19-34

Созерцание: Не откажувај да му направиш добро на оној, кој има потреба, кога раката твоја има сила да му помогне.
Соломонови Изреки 3, 27

Подготви: А.Л.

Посети: {moshits}

 
Од Православен календар на МПЦ

 Свети Захариј, патријарх Ерусалимски     06/03/2009

Во времето на византискиот цар Ираклиј во 614 година персискиот цар Хозрој го нападна Ерусалим, го ограби градот, го однесе Чесниот Крст во Персија и повлече во ропство огромен број христијани, меѓу нив и патријархот Захариј. Евреите му помагаа да врши зло над христијаните. Меѓу другите еврејски злосторства се памети и ова: Евреите откупија од Хозрој деведесет илјади христијани и како свои робови ги убија. Стариот патријарх остана во ропство четиринаесет години. А од Чесниот Крст во Персија се пројавија многубројни чуда, така што Персијанците велеа: „Христијанскиот Бог дојде во Персија“. Подоцна Ираклиј го принуди персискиот цар да ги врати Чесниот Крст, патријархот и останатите робови во Ерусалим. Самиот цар Ираклиј го внесе Чесниот Крст на своите плеќи во Светиот град. Останатите денови од животот Св. Захариј ги помина во мир и се пресели кај Господ во 631 година. На престолот го замени патријархот Модест, после кого патријархуваше Св. Софрониј (11 март).

Свети Евстатиј, архиепископ Антиохиски     06/03/2009

Голем ревнител и заштитник на Православието. Како таков особено се истакна на Првиот Вселенски Собор, каде што мудро и разумно го поби учењето на Ариј. Заедно со останатите Свети отци Евстатиј правилно исповедаше дека според Божествената суштина Исус Христос како Син Божји е рамен на Отецот и на Светиот Дух. После смртта на Св. цар Константин ариевците повторно некако претегнаа и почнаа немилосрдно да го гонат Православието. Свети Евстатиј беше симнат од неговиот престол и протеран најпрво во Тракија, а потоа во Македонија. Многу и долго страдаше, додека најпосле не Му ја предаде својата света душа на Бога, во 345 година.