Скопје, 29ти мај  2020 г.- храм Рождество на Пресвета Богородица

 На 29ти мај 2020 година, во шестата недела на Воскресение, кога Македонската православна црква- Охридска архиепископија  молитвено  го прослави споменот на Преподобен Теодор Осветен,Блажената девица Муза, во храмот Рождество на Пресвета Богородица, во Скопје, старешината на храмот протоереј ставрофор Трајче Петковски во сослужение  на ѓаконот Благоја Ристевски отслужи Заупокоена Литургија и помен на новопреставеноте чедо Божјо проф.Петко Златески, „Нека Семилостивиот Бог ја упокои неговата  душа таму каде што почиваат праведниците. Вечен нека му  е споменот!“Отец Трајче во текот на Литургијата  произнесе беседа од житијата на денешните светители.

 (Христос, вистинскиот Бог наш, Кој воскресна од мртвите и владее над живите и мртвите, по молитвите на Својата Пречиста Мајка, на преподобните и богоносни отци наши, и на сите свои светии, душата на починатиот Свој слуга да ја всели во населбите на праведниците, да ја упокои во лоното Авраамово и кон праведниците да ја присоедини, и нас да нѐ помилува – како добар и Човекољубец.)

 Невозможно е да не се тагува, таква ни е душата; но со мера. Што е поважно за човекот: телото или душата? Душата. Кога душата е жива и човекот е жив. А кога тој умира, што умира: душата или телото? Телото, а душата останува жива. Значи, умрените се живи; живи се и вашите родители. Тие само се одвоиле од вас и живеат на друго место. Таму ќе отидете и вие кога ќе ви дојде времето – и ќе се видите. Разделбата е само привремена. Затоа и велам дека невозможно е да не се тагува, но само малку. Ние ги замислуваме починатите онакви какви што биле пред заминувањето, како лежеле во сандакот... и дека се во гроб; дури и им велиме: колку ви е тесно таму, темно и влажно... А всушност, таму ги нема оние кои ги оплакуваме. Тие се на друго место, дури и покрај нас, само во потполно друг облик.

И во овој петок се направи Мал петочен водосвет,

и молитви за здравје на верниот народ

упати ереј Игор Димитриевски.

 Преминпортал (к.т.)

Друго:

 Божествена Литургија во храмот Рождество на Пресвета Богородица, Скопје (21.05.2020)

Божествена Литургија во храмот Рождество на Пресвета Богородица, Скопје (21.02.2020)

Божествена Литургија во храмот Рождествона Пресвета Богородица, Скопје (15.11.2019)

Божествена Литургија во храмот Рождествона Пресвета Богородица, Скопје (10.11.2019)

 Божествена Литургија во храмот Рождествона Пресвета Богородица, Скопје (08.11.2019)

Божествена Литургија во храмот Рождествона Пресвета Богородица, Скопје (03.11.2019)

• Заупокоена Литургија и Погребение, во манастирот Успение на Пресвета Богородица - Матка (23.12.2019)