Во денешно вереме на отсуство од духовна обнова и недоверба во духовни авторитети, почесто отколку кога и да било, треба да го читаме Светото писмо. Тоа треба да ни биде наша непоколеблива поткрепа, авторитет и раководство. Треба да го читаме со простодушност, доверба и внимание.

Што не поучува денешново евангелско четиво за исцерението на слепиот? На кои прашања од нашиот современ живот ни дава нашиот Господ и Спасител Исус Христос одговор во денешното Евангелие?

Сите нас одвреме - навреме не измачува прашањето за причините на човечките маки и страдања. Некако уште можеме да се согласиме, да ги прифатиме и да ги разбереме кога тие се јавуваат како средство за вразумување на грешникот. Но зошто понекогаш ги напаѓаат Божјите луѓе и праведниците?

Светото писмо ни дава одговор на ова наше прашање во денешново евангелско четиво, кое говори за еден човек кој бил слеп уште од раѓање.
- Зошто се мачел и зошто страдал тој човек?
- Зар може да се биде грешен уште пред самото раѓање? И Господ ни одговара на нашето прашање кога говори: „Ни тој згрешил нити неговите родители згрешија, но се родил слеп, за да се јават делата Божји“

Господ плукнал на земјата, направил кал и со неа му ги намачкал очите на слепиот и тој веднаш прогледал. Значи, има случаи кога ни се испраќаат неволљи и стрдања заради нашите или за гревовите на нашите родители, но и затоа за да се прослават Божјите дела, за да се просветиме ние грешните со Христовата светлина.

Но, не само на овој одговор за причините на човечките невољи и страдања наоѓаме во денешново евангелско четиво за исцерението на слепородениот. Често си го поставуваме прашањето за тоа дали се потребни надворешните форми на изразување на нашиот духовен живот? Дали се тие потребни и дали не се подоцнежно и непотребно наслојување на духовниот живот на човекот? И дали не е потребно ако се откажеме од сите тие надворешни форми? Светото писмо ни одговара и на ова прашање со личниот пример на нашиот Господ и Спасител Исус Христос.

- Зошто Господ направил кал за да му ги намачка очите на слепиот?
- Зошто го испратил да се измие во Силоамската бања?
- Зар не можел да го излекува слепиот само со силата на Своите божествени зборови?
Ако не го направил тоа така, како што мислиме ние, тогаш и очигледно, дека се сообразил со слабостите на луѓето и им дал пример и образец - како да го соединуват надворешниот обред со духовната милост.
Внимателниот читетел на Светото писмо ќе открива постепено во него се нови и нови бисери за украсување и објаснување на многу таинствени и иејасни работи во нашиот живот. Сите ние сме духовни слепци и Светото писмо ни ги отвара и просветлува нашите духовни очи.
- Што може уште да ни помогне духовно да прогледаме?

Молитвата - единствената и искрена молитва, макар и онаа со наши зборови.
Посетување на Божјиот храм, каде нема да се молиш ти самиот за себеси, но каде и другите ќе се молат за тебе.
Рековме напред читањето на Светото писмо, а сега велиме и на други духовни, иоучни и иобожни книги, особено житијата на светиите, каде се среќаваме со вистински и живи примери од христијанскиот живот.
Дружење со луге што имаат духовен живот.
Правење добри дела.

Благодатта на Светиот Дух, која е на секаде и особено ни се предава преку светите Тајни.
Внимателниот однос спрема животот, спрема луѓето и спрема природата.
На духовниот вид особено му помага трпението и смиренеието.
Сето ова не приближува кон Бога, не обновува, не очистува, но сето ова бара од нас извесни грижи и усилби.
Затоа, драги браќа и сестри, ако ни се болни очите на нашата душа или ако сме духовно слепи, ете овие услови нека не приближат кон Вистинската Светлина.

Денес се избори, да појдеме сите и да и помогнеме на државава. А нам Господ Бог нека не просветли со вистинска светлина за да ги избереме вистинските лидери. Амин.

Професор Ацо Гировски

01. 06. 2008

храм Св. Јован Крстите- Капиштец, во Скопје

Посети: {moshits}