Скопје, 05.06.2013 год.- Свеченост по повод 45 години од обновата на МПЦ – ОА
Одличјето 45 години автокефалност е изработено во форма на столна медаља од редот на светиот македонски крст, и како официјално црковно одличје се јавува за првпат на територијата на република македонија. ваков вид на одличје не е направено со векови наназад на овие територии. во наша поблиска околина вакво одличје има изработено во минатото кралството црна гора за спомен на учеството во балканските војни. во посочениов минат период западноевропските земји и нивите кралства како и Русија, асовно го користат како официјална награда по повод духовно-световни љубилеи, славења на мировни договори, победи и восtоличувања од најразличен вид како и многу други настани.“ (Повеќе)
За православните верници 2013-тата година е значајна и поради два други јубилеи - одбележувањето на 1700-тата година од донесувањето на Миланскиот едикт,како и 1150-тата годишнина од Моравската мисија предводена од светите просветители Кирил и Методиј.
- Добитниците на наградите се:
1. Г. Душан Туџаров, генерален директор на „Реплек" - Скопје
2. Г. Симон Наумоски, генерален директор на „ВИТАМИНКА" - Прилеп.
3. Г. Доне Таневски, генерален директор на „МАКЕДОНИЈАТУРИСГ - Скопје
4. Г. Јордан Камчев, главен извршен директор на „АЏИБАДЕМ СИСТИНА" - Скопје
5. Г. Илија Гечев, генерален директор на „ИГМ Трејд" - Кавадарци
6. Г. Мите Николов, генерален директор на БРИЛИЈАНТ - Штип
7. Г. Илија Илоски, главен оперативен директор на Комерцијална банка АД - Скопје
8. Г. Цветан Панделески, сопственик на ПЕЛИСГЕРКА АД - Скопје
9. Г. Николајчо Николов, заменик-генерален директор на Рудникот „БУЧИМ" - Радовиш
10. Академик Владо Камбовски, претседател на Македонската академија на науките и уметностите.
11. Академик Таки Фити,
12 Академик Катица Ќулавкова,
13 Академик Митко Маџунков,
14. Г. Златко Жоглев, ректор на Универзитетот „Св. Климент Охридски" во Битола и
15. Г. Стефан Георгиевски, професор на Правниот Факултет во Скопје, во пензија
Академик г-ѓа Катица Ќулавкова се обрати во името на наградените
Академик Катица Ќулавкова: (Извадок)
- Зошто, дури и за нас, академици, стопанственици, универзитетски професори, сите претставници на секуларната матрица, е толку битна Македонската православна црква?
- Дали затоа што во ликот на Охридската архиепископија, како легитимна, еминентна и компетентна институција на христијанството и на православното христијанство, е супституирана државноста на Македонците, во продолжение, од десеттиот до крајот на 18-от век;
- Дали затоа што, тој неспорен и признат континуитет на Охридската архиепископија, може да се смета за коректив на половичната теза за дисконтинуитетот на македонската држава и за отсуството на капацитет за државотворност кај Македонците?
- Дали затоа што внатрешниот простор на секоја македонска православна црква, освен што е духовен и сакрален во изворна религиска смисла, всушност е постојан галериски простор на визуелните уметности, простор на којшто се создавале врвни и оригинални уметнички дела од ликовните уметности, олицетворени во фреско сликарство и иконо-писание, во резбарство и копаничарство?
- Дали затоа што градењето цркви прераснало во посебна уметност на неимарството?
- Дали затоа што црквите низ Македонија се, не ретко, скровиште на најречита созвучност, на духовна и хорска музика и полифонија, место каде што со збиднувала и сè уште се збиднува - магијата на акустичноста?
- Дали затоа што црквите и манастирите ширум Македонија биле средишта на книжевниот живот, промотори и заштитници на македонската писменост?
- Дали затоа што токму со постоењето на Охридската архиепископија се поврзува најраниот опстанок на глаголицата, на глаголското писмо кое е спрега на сакралната, јазичната, графичката и нумеричката симболичност?
- Дали затоа што историјата на македонската православна црква видена низ призма на историјата на Охридската архиепископија е -воедно - историја на македонскиот јазик, чијашто прва кодификација е востановена со кодификацијата на црковнословенскиот јазик, за подоцна да ги следи спецификите на македонските говори, да ги меморира, и да го изгради препознатливиот код на македонскиот црковнословенски израз?(Повеќе)
- Хорот „Хармосини" од Скопје,со своето прекрано старо македонско црковно пеење ја збогати денешната свеченост.
Академик Митко Маџунков, чие име се најде во редот на добитниците, рече дека во времиња чувствителни за МПЦ, особено важно е нејзиното возобновување да не се заборави.
ПреминПортал (к.т.)
Друго:
- Г-дин Горан Стојановски - За Одличјето-медалот 45 години Автокефалност на Охридската архиепископија
- http://macedoniancross.com.mk/default.aspx
