Трета недела од Великиот пост во Џорданвил!
Радувај се благодатна, Господ е со Тебе!
И овде во Џорданвил, во нашиот Светотроитски манастир торжествено ги прославивме овие два големи празници. Се отслужи бдение во кое на утрената, по полиелеите, по поклонувањето на Благовештенската икона на Пресвета Богородица, нашиот игумен и настојател, отец Лука не помаза со миро од мироточивата Хавајска икона на Мајката Божја. Благоуханието низ сиот храм се чувствуваше...
На крајот на утрената, за време на Славословието отец Лука го изнесе чесниот Крст. Сите “на Крстот Твој се поклонуваме Владико...”, пеевме и со длабок поклон до земјата се поклонивме.
Утредента беше отслужена Божествена литургија на која речиси сиот богољубив народ се причести со Даровите Христови.
Царицата Небесна ни го отвори патот кон спасението, преку својот Син Христа- затоа и ние да се радуваме, а на Крстот Твој, Владико, ние Му се поклонуваме и Твоето свето Воскресение го славиме!
Троитски манастир,
Џорданвил, Њујорк
Семинарист Стојан Серафим Андов
Св. великомаченик Мина; Св. маченик Стефан Дечански, крал српски; Св. маченици Виктор и Стефанида; Св. маченик Викентиј ѓакон; Преп. Теодор Студит; 
