Скопје, 31 мај 2012 год.- храм на св.вмч. Димитриј 
На 31 мај 2012 година, на празникот на Светиот маченик Теодот и седум маченички девици; Светите маченици Петар, Дионисиј, Андреј, Павле и Христина, во храмот на св.вмч. Димитриј во Скопје, протоереј Бранислав Стојанчов отслужи мало повечерие, со акатист на светиот великомаченик Димитриј молејќи го неговото застапство пред Бога. По извршувањето на чинот на петолебието, отецот посака во храмот на молитва верниот народ да се собере во што поголем број.
Акатист на Светиот великомаченик, мироточив
Димитриј Солунски
(Извадок)
Кондак 3
Силата на Вишниот Те направи храбар во битките Димитрије, страшен за непријателите, познат на сите луѓе, затоа злочестивиот цар Максимилијан ти го предаде градот Солун наредувајќи ти, како безумник да ги гониш христијаните, кои Му пеат на Бога: Алилуја!
Икос 2
Имајќи благопријатна ревност за вистинското Богопоучување, јавно пред незнабошците го исповеда Христа, преславен, и уште ги научи да Му се поклонуваат и во него да веруваат, станувајќи така за солуњаните втор Павле, затоа и ние со нив ти пееме:
Радувај се, многуценет бисер на Црквата Христова!
Радувај се, најголем украс на твојот град!
Радувај се, божествената ревностси ја носел во твоето срце!
Радувај се, злобата на мачителите ја победи!
Радувај се, ја изобличи гнасната лага на идолослужењето!
Радувај се, просветител на помрачените!
Радувај се, злочестието како плева го запалуваш!
Радувај се, идолското трње го сечеш!
Радувај се, учиш на благочестие!
Радувај се, не поставуваш на патот на спасението
Радувај се, видливите и невидливите непријатели не смеат да ти пристапат!
Радувај се, Христов непобедлив војник!
Радувај се, свети Димитрије, славен великомачениче и чудотворче!
Кој се надева на Бог, не се грижи повеќе за себе и било што да направи, во се ќе има корист за својата душа.
И нека знае дека предавајќи им се на невољите заради Бог, не секое место ќе пронајде спасение.
Божјата благодат ни се дава според нашата вера; за малку верба малку и се дава; со поголема верба ќе се удостоиме и со поголема благодат за трпењето.
Без Божјата промисла и без Неговииот план ништо не може да ни се случи. Бог од нас очекува само добра воља.
Но патиштата Божји се несфатливи; затоа е неопходно да ја спасуваш својата душа со трпење, и оној кој што ќе претрпи до крај ќе се спаси преку Исус Христос, нашиот Бог.
Нека Му е слава, сега секогаш и во сите векови. Амин. (Преподобен Пајсие Величковски)
По молитвите на Твојот светител великомаченик Димитриј, Христе Боже наш, избави не и нас од неволјите што не притискаат, и помилуј не како единствен Човекољубец.
Преминпортал
Лето Господово 2012
Друго:
Отслужен Aкатист во св.вмч. Димитриј, Скопје (24.05.2012)
Aкатист со канон на св.вмч. Димитриј (18.05.2012)
