Св. Герман се прославува на 25 Декември, денот кога се претставил во Господа, и на 9 Август, кога е канонизиран за Светител.

(Овој Акатист се служи во Алјаска, во Црквата Свето Воскресение, каде што се наоѓаат моштите на Свети Герман)

Кондак 1

Радувај се, оче наш Германе, наша славо, наш украсе;
Радувај се, зашто ја донесе светлината на вистинската вера во нашите краеви;
Радувај се, од Бога прославен испоснику;
Радувај се, најчесна гранко на Валаамскиот Манастир;
Радувај се, пофалбо и радосте на Црквата во Америка;
Радувај се, утешителу и заштитнику на сите нас.
Радувај се, преподобен оче наш Германе Алјаскински, најславен чудотворче на Америка.

Кондак 2

Радувај се, сеславен Германе, кој својата младост на Христа си ја посветил;
Радувај се, соученик на Св. Серафим Саровски;
Радувај се, вршителу на духовни трудови во славниот Валаам;
Радувај се, почитуван од сите браќа во Валаамскиот Манастир;
Радувај се, Валаамски студенту со духовна мудрост;
Радувај се, сега  прославуван од православната Црква.
Радувај се, преподобен оче наш Германе Алјаскински, најславен чудотворче на Америка.

Радувај се, непожаллив послушнику на твојот духовен отец;
Радувај се, верен сине на светата Русија;
Радувај се, посинок  на Северна Америка;
Радувај се, основачу на монашкиот живот во нашата земја (Америка);
Радувај се, ревносен проповеднику на Православната вера.
Радувај се, преподобен оче наш Германе Алјаскински, најславен чудотворче на Америка.
Кондак 4.
О, преподобен оче Германе, ти претрпе бури на зли напади и таги, но со своите напори, успеа да истраеш во оваа нова земја. Затоа Христос те прослави со дарот да предвидуваш, обогатувајќи те со чудеса, дарувајќи ти го Царството Небесно каде, заедно со Ангелите, Го славиш Бога со песна : Алилуја !
Икос 4
Слушајќи за твоите чуда кои им се откриле на твоите луѓе кога шумскиот пожар и бранот на плимата се повлекле со твоите молитви, ние од длабочината на срцата те преколнуваме и те молиме да ни помогнеш нам, кои ти извикуваме :
Радувај се, испоснику и пророку прославен од Бога ;
Радувај се, свет угоднику Господов ;
Радувај се, наш посреднику и исцелителу ;
Радувај се, помошнику на мнозина кои кон тебе повикале ;
Радувај се, исцелителу на мнозина болни и напатени ;
Радувај се, наш милостив и понизен оче ;
Радувај се, преподобен оче наш Германе Алјаскински, најславен чудотворче на Америка.
Кондак 5

О,преподобен, ти заблеска како звезда северница на островот Спрус - Новиот Ваалам, и со светлината на твојата љубов и молитва, полн со Господова сила, ја осветли цела Америка, за од сите нејзини краеви Православните луѓе усрдно да Му пеат на Бога : Алилуја !

Радувај се, основачу на монаштвото во нашата земја ;
Радувај се, следбенику на Св. Антоние Велики и Св. Антоние Печерски;
Радувај се, како и тие, овенчан со небесна слава ;
Радувај се, основачу на славен скит;
Радувај се, изворе на свети мошти за верните;
Радувај се, фонтано на чудеса за целиот свет;
Радувај се, преподобен оче наш Германе Алјаскински, најславен чудотворче на Америка.
Кондак 6
Дивината на северот ги објави твоите дела и чудеса, покажувајќи те  како нова гранка на лозата на Руската Црква во Америка. Шумите и дивината се продрени од твоите молитви. Следејќи го примерот на древните испосници, ти во ноќната тишина кон Бога извикуваше : Алилуја!
Икос 6
Ги просвети луѓето што живееа во темнина ; им покажа пример на монашки живот. О, богоносен оче наш Германе, моли се : сите ние, благодарејќи Му на Бога, непрекидно да ти ги пееме овие пофални песни :
Радувај се, прв светителу на нашата земја (Америка);
Радувај се, основачу на монаштвото во нашата земја ;
Радувај се, верен служителу на светата Троица ;
Радувај се, понизен основачу на Воскресенската Црква;
Радувај се, славен подвижнику во  скитот на островот Спрус ;
Радувај се, грижлив татко на чедата кои при тебе доаѓаа ;
Радувај се, преподобен оче наш Германе Алјаскински, најславен чудотворче на Америка
Кондак 7
Господ те избра, о, преподобен, да ја донесеш светлината на Богопознанието во земјата на Алеутите и таму да го посееш семето на Православната вера. Ги научи сите да ја прифатат вистинската вера и да извикуваат кон Бога : Алилуја !
Икос 7
Со молитва  достигнувајќи ги висините, о, преподобен, ти не ги заборави потребите на другите. Покажа голема грижа за бездомните сирачиња, градејќи им сиропиталиште и училиште и учејќи ги на Господовите заповеди. Во пофалба на Господа за твоите трудови, прими ги од нас овие пофалбени зборови :
Радувај се, бранителу на сиромашните и сираците ;
Радувај се, нивни добар заштитнику ;
Радувај се, градителу на дом за сирачињата ;
Радувај се, зашто си Му послужил на Бога со своите трудови;
Радувај се, зашто си им обезбедувал леб на сираците;
Радувај се, зашто си ги хранел со зборови на вечен живот.
Радувај се, преподобен оче наш Германе Алјаскински, најславен чудотворче на Америка
Кондак 8
Господ, Кој го сака родот човечки, о, преподобен, ти даде дар да предвидуваш и исцелуваш, сакајќи преку тебе да покаже извор на милозливост кон Своите луѓе. А ти им ја покажа љубовта Господова преку твоите дела и многу поучителни зборови. Осветлени од светлината на твоите духовни трудови, луѓето воскликнуваа кон Бога : Алилуја !
Икос 8
Трансформирани од светлината на христијанската вера, луѓето доаѓаа кај тебе во времиња на болест и тага. И како татко кој ги сака своите чеда, ти посредуваше за сите, донесувајќи им исцеление и утеха на сите кои доаѓаа кај тебе да бараат помош. Твојата слава се рашири низ целата земја, а и ние, твоите духовни чеда, те славиме со овие зборови :
Радувај се, наш милозлив оче ;
Радувај се, неподмитлив и милостив лекару ;
Радувај се, милосрден исцелителу на нашите немоќи ;
Радувај се, брз наш помошнику во неволјите и потребите;
Радувај се, зашто ги предвидуваш идните настани како да се сегашност ;
Радувај се, внимателен укорителу  за скриените прегрешенија.
Радувај се, преподобен оче наш Германе Алјаскински, најславен чудотворче на Америка.
Кондак 9
Со Ангелите си зборувал, о, преподобен, и си ни открил како ангелите дошле кај тебе во твојата испосничка келија и со нив си водел благ разговор. Сега си во Царството Небесно, каде што со мноштвото Ангели непрекидно на Творецот Му се молиш : Алилуја.
Икос 9
Кој може да ги изброи чудесата, посведочени од твоите луѓе ? Морските бранови и шумскиот пожар беа скротени со твоите молитви. Кога надоаѓаше голем бран на плима, ти направи бурните води да се повлечат со твоите молитви пред иконата на Божјата Мајка, велејќи : Водата нема да ја премине оваа линија. Затоа, вака ти пееме :
Радувај се, чудесен скротувачу на водите ;
Радувај се, избавителу од пожар ;
Радувај се, безбедно пристаниште за ерархот Инокентие кој од водите те повикувал;
Радувај се, зашто со твоите молитви беше скротен ветерот над водите;
Радувај се, зашто си бил извор на многу чудеса во текот на твојот живот ;
Радувај се, зашто си фонтана на многу чудеса дури и по твојата смрт .
Радувај се, преподобен оче наш Германе Алјаскински, најславен чудотворче на Америка.

Кондак 10
Ти принесуваме пофалбени песни, о преподобен оче, за твојот праведен живот; ти пееме пофалбени песни за твојата чесна смрт. Ти го предвиде денот и часот на твојот блажен крај. Преславен беше и твојот погреб. Четириесет дена силна бура беснееше по водите и твоето пророштво за твојот погреб беше исполнето. Твојот ученик Герасим, чувствувајќи чудесна арома во времето на твојата смрт, на Бога Му пееше: Алилуја!

Икос 10
Беше преславен чудотворец за време на твојот живот, о, оче! А при твојата смрт го пројави следново прекрасно чудо: твоето тело остана нераспадното во капелата многу денови после твојата смрт. Алеутскиот народ, кој во часот на твојата смрт виде огнен столб што се издигнува до небесата, ова ти го пееше:
Радувај се, зашто твојот праведен крај не увери во твојата светост;
Радувај се, зашто твоето воздигнување на небесата изгледаше како огнен столб;
Радувај се, зашто многу чудеса се посведочени крај твојот кивот;
Радувај се, зашто си ни оставил извор на света вода и исцеление;
Радувај се, зашто од таа вода мнозина напатени добиваат исцеление.
Радувај се, преподобен оче наш Германе Алјаскински, најславен чудотворче на Америка.

Кондак 11
О, свети оче, од твојата испосничка келија во северот, среде дивините на природата, ти непрестано И пееше пофалби на Пресветата Троица. Поттикнат од Духот, ти го предвиде процветувањето на оваа лоза посадена во почвата на Америка и заедно со небесните Ангели извика: Алилуја!
Икос 11
Ти си извор на светлина и инспирација за сите идни припадници на монашкиот ред. Зашто го претскажа, о, преподобен, формирањето на Манастир и Архиепископски престол  во оваа земја. Денес, хорот на свештеници и монаси те прославува со овие зборови:
Радувај се, наставнику на монасите и соговорнику на Ангелите;
Радувај се, најславен основоположнику на аскетскиот живот во нашата земја;
Радувај се, зашто си го предвидел растењето на оваа прекрасна Христова лоза;
Радувај се, исполнување на ова пророштво за идните поколенија;
Радувај се, вистински примеру на монашки живот;
Радувај се, зашто сите ја согледаа твојата љубов.
Радувај се, преподобен оче наш Германе Алјаскински, најславен чудотворче на Америка.
Кондак 12
Гладајќи ја твојата милост и голема смелост пред Господа, ние те преколнуваме, о, преподобен оче Германе, да се молиш усрдно на Господа, да ја заштити Својата света Црква од неверие и раскол, од лажно учење и самоволност, за да можеме на Бога, Кој е дарежлив кон нас, да Му пееме: Алилуја!
Икос 12
Ја славиме твојата канонизација, о, преподобен; те благословуваме, о, најмоќен посреднику и заштитнику на нашата Црква, и со љубов ти пееме:
Радувај се, заштитнику на сите кои те почитуваат;
Радувај се, брз посреднику и помошнику на сите;
Радувај се,основоположнику на Православието во нашата земја;
Радувај се, утврдување на оние кои доаѓаат во Православната вера;
Радувај се, најславен заштитнику на Црквата во Америка;
Радувај се, прв светителу и Нејзин чудесен татко.
Радувај се, преподобен оче наш Германе Алјаскински, најславен чудотворче на Америка.
Кондак 13
О, најславен угоднику Господов, преподобен оче наш Германе, прими ја оваа скромна молитва што ти ја принесуваме во твоја пофалба. Стоејќи сега пред престолот на Семоќниот Господ, непрестано моли се за нас кои радосно на Бога Му пееме: Алилуја!
(Овој кондак се чита 3 пати, а потоа повторно Икос 1, па Кондак 1).

Молитва 1
О, најчудесен угоднику Господов, преподобен оче наш Германе, како добар работник ти го изврши твоето огромно духовно дело во суровата клима на оваа земја. Во твојата служба кон Господа, беше верен во малите нешта. И како што Бог рекол: Во малку беше верен, над многу ќе те поставам (Мат. 25, 24), сега овие зборови се исполнети во тебе, зашто Господ те постави над целата наша Црква како Нејзин небесен заштитник. Те повикуваме со усрдна молитва: помоли Го Господа да ја чува нашата света Црква во Православието и да ја покаже како украс на нашата земја. Тој нека ја заштити од сите мрачни сили на непријателот и нека ги изгони сите противници.. Нека ни подари чистота на верата и убавина на душата. Моли се да ни го подари на сите нам Духот на мир и љубов, духот на понизност и кротост, и да го изгони гревот на гордоста. Сочувај не од самопофалност; биди  наш заштитник од лажни учења; дај им исцеление на болните; на тажните биди им уттеха; на гладните за духовна вистина дај им небесна храна. Па така, да можеме да го достигнеме нашиот вистински стремеж и да ја добиеме наградата како верни слуги на Последниот Суд, и со сите Светии да Ја славиме во песна Животворната Троица: Неискажливиот Отец, Вистинскиот и Единороден Син и Утешителот – Светиот Дух во вечни векови. Амин.

Молитва 2
О, преподобен оче Германе, ние Го славиме и величаме нашиот Бог и Создател,. Целата земја и се во неа Него Го исповеда како Творец и вечен Отец. Небесата и земјата, Ангелите и луѓето, заедно Го слават и величаат: најславниот собор на Апостолите, достојниот за пофалба собор на Пророците, големиот и возвишен собор на Мачениците и целата заедница на Светителите, сите Него Го слават. На овој ден, светата соборна и апостолска Црква Му благодари на Бога за тебе, о преподобен Старче од островот Спрус. Ние, твоите наследници и чеда, се собравме крај твојот светол кивот и со стравопочит гледаме во твоите свети мошти, знаејќи дека твојата душа ги придружува Апостолите, Пророците, Мачениците, Светителите и Небесните Сили пред престолот на Премилостивиот Бог во слава на Светата Троица. О, преподобен оче Германе од островот Спрус, наставнику за верата во Светата Троица, наш духовен оче и посреднику пред престолот на Семоќниот Бог, моли се за мир во Црквата и изгони ги сите разединувања, суеверија и раздори. Дојди им на помош на нашите духовни водачи, за да можат секогаш да бидат верни и ефикасни инструменти на Светиот Дух; помогни им да ја проповедаат вистината на Евангелието со моќ; дај им мудрост да ги просветуваат непросветените, и дух – да ги инспирираат сите да го сакаат знаењето за Бога. Утврди ги со истрајност, да ја бранат Црквата, дури и по цена на смрт, од сите внатрешни и надворешни непријатели, во секое време. Нека срцата на твоите духовни чеда бидат исполнети со вера и љубов кон Светата Црква која ти ја покажа во твојот свет живот. Моли Му се Нему да не избави од искушенијата што прават да паѓаме; обнови не во детска вера во нашиот Небесен Отец; научи не да Му веруваме на Бога и единствено Нему.  Изгасни ја нашата жед за вистинско богопознавање; покажи ни како да Му служиме верно на Бога; преобрази го нашиот живот за вистински да ги рефлектира имиџот и сличноста на Бога во нас. О, свети оче и патроне на Црквата во Америка, биди им лекар на слабите во верата, биди им поткрепа на паднатите, биди им застапник на оние што немаат заштита, биди им бедем на сила на духовно исцрпените, биди им водач на оние што патуваат по вода, на земја или во воздух, биди ни наш небесен посредник. О, преподобен оче Германе Алјаскински, заедно со сите Светии и Небесни Сили, моли се на Бога на сите нас да ни подари мудрост за нашиот ум, сила за нашата волја и светлина за нашиот дух, за да можеме да го достигнеме вистинскиот животен мир кој доаѓа единствено од Бога. Ја славиме со радосни и благодарни срца Живоносната Троица: Семоќниот Отец, Единородниот Син и Светиот Дух Утешител, сега и секогаш и во вечни векови. Амин.

 Извор:

Македонска Православна Црква „Св. Параскева - Петка“

2056 N Kedzie Ave, Chicago, IL 60647

http://www.mpc-svpetka.com

Посети:{moshits}