логоFacebook  Twitter  YouTube  eMail


 

 Opsada.nacrkva.jpg

  „Опсада на црквата Св. Спас“ од Горан Петровиќ издадена на македонски јазик-

  Петровиќ: Ние сме цивилизација на лажно изобилство, а суштински многу малку избираме- избираме меѓу неважни работи

Opsada.nacrkva.jpg

Неодамна на Саемот на книгата во Скопје беше промовиран романот на авторот Горан Петровиќ со наслов „Опсада на црквата Св. Спас“, кој досега е преведен на руски, француски и шпански јазик, а во Македонија ја отпечати издавачката куќа „Готен“.

Opsada.nacrkva.jpg
„Како старееме како цивилизација мислам дека се повеќе правиме грешки околу тоа што ни се чини дека е реално и што е нереално“, констатираше авторот на ремек-делото „Опсада на црквата Св. Спас“, Горан Петровиќ, при промоцијата на својата книга неодамна на Саемот на книгата во Скопје, во издание на издавачката куќа „Готен“ http://www.gotenpublishing.com/kniga-alk-opsada.html.

„Јас сакав да напишам книга во која читателот нема така лесно да се снаоѓа и нема така лесно да препознава што е фактографија, што е преземено од историјата, а што е она што е свет на фантазијата. Затоа што мислам дека ние во животот не се снаоѓаме баш така лесно, така што ни се чини дека сè она што е околу нас реално и не е баш така реално, туку е симулакрум“, истакна Петровиќ пред македонската читателска публика.
Најдоминантниот слој во „Опсада на црквата Св. Спас“ е силно инспириран од византиската духовност и српската црковна традиција и тоа се гледа во самата градба на романот, во која крстовидно се испреплетуваат хоризонталното, историско време полно со војни, опсади, измами, нискости и вертикалното време, во кое луѓето стремат кон боженственото, кон повторно воспоставување на единството со живиот бог кој, по годините нечестиво трошење, метонимиски се редуцирал на едно ангелско перо, чувано како црковна реликвија.
Во духот на таа православна христологија, романот е организиран во девет книги, според небеската ангелска ерархија и на поглавја од четириесет дена, од Велигден до Спасовден, во кои и трае опсадата на црквата Свети Спас од бугарско-татарската војска, главниот наративен тек во дејството.
Книгата има изглед на инка. Секое наредно поглавје е пократко од претходното и читателот се спушта низ една инка се до нашето време кое завршува со новинарски текст.

Opsada.nacrkva.jpg

  Промоција на делото на Петровиќ во Даут Пашин Амам, 11 април 2014, промотивна реч, академик Влада Урошевиќ)

Според авторот на романот, Горан Петровиќ, ние пропаднавме низ тој свет на раскажување приказни и дојдовме до новинарски текст каде насловот е подолг од самиот текст. „Сакав книгата да биде бајковидна и барокна, светот не е место на кое сè е откриено како што си мислиме... Бидејќи се движиме брзо, преку интернет со еден ентер добиваме милион одговори на едно прашање кои не стигнуваме никогаш да ги прочитаме. Ние сме цивилизација на лажно изобилство, а суштински многу малку избираме -избираме меѓу неважни работи“ истакна Петровиќ.

  Милион примероци на една книга не се исти затоа што одат во рацете на различни луѓе

Во центарот на случувањето на самиот роман е манастирот Жица, манастирот на крунисувањето на Немањиќ, кој што не случајно бил одбран за тоа. Покрај метафоричниот, историскиот слој, во книгата е важен лексичкиот, јазичен слој кој бил посебно тежок.

„Да бидам искрен, сега не сум сигурен дека би се впуштал во таква вид на продукт, зашто тоа го може човек само кога е малку помлад и горделив како што беше тоа, кога јас пред дваесетина години, ја пишував оваа книга. Јас меѓу другото сакав јазикот да го исчистам од турцизмите затоа што дел од романот се случува во пред турско време и не само што на јунаците не смее да им се поткради некој турцизам кога зборуваат туку и на раскажувачот кога е во функција на тие јунаци. Тоа се покажа како многу тешка и невозможна задача затоа што не постојат ниту адекватни зборови, бидејќи за некои постојат само турцизми. Тие зборови ги нема во речниците, тоа не се зборови кои јас ги знаев јас истражував. Но, бидејќи јас не сакам илузија во градење на книжевноста не сакам фусноти во романите, не го сакам дури ниту оној речник на помалку познати зборови на крајот на книгите, јас се обидував зборовите да ги ставам во таков контекст што тој збор кој е непознат од современиот читател да биде осветлена од другите зборови во реченицата. Се со цел лексиката на романот да биде прилагодена на времето кога се случува дејството во романот“, објасни Петровиќ.

Opsada.nacrkva.jpg

  Промоција на делото на Петровиќ во Даут Пашин Амам, 11 април 2014)

Структура на романот е средновековна и како што истакна авторот подготовката за ракописот била доста комплицирана. „Ја читав српската средновековна книжевност без некоја посебна цел, туку само за да го примам редот на зборовите во реченицата, да ја примам синтаксата. Да речеме во романот постојат општи места има повторувања што е карактеристично за средновековната книжевност или постојаните епитети (богољубиви на пр.) затоа што јас сакам романот да зборува посредно со читателот без некој раскажувач над раскажувачот, туку директно“, смета авторот.

Една книга може да биде печатена и во милион примероци, тие примероци не се исти, затоа што одат во рацете на различни луѓе и секој читател ги инвестира своите знаења и своите емоции во таа книга, па оттука таа не е иста како истиот тој примерок кој отишол кај некој друг човек. Тоа е случај и со оваа книга.

 Opsada.nacrkva.jpg

Промоција на книгата на Петровиќ „Опсада на црквата Св. Спас“ на Скопскиот саем, 12 април 2014, промотор м-р Роберт Алаѓозовски)

Извадок од романот на Горан Петровиќ „Опсада на црквата Св. Спас“

- Чедо мое, еве што подготвив да го имаш на ум – продолжи Симеон. – Тебе изутрина вселенскиот патријарх Манојло Сарантин ќе те дарува со благослов, со повелба, со совети, со светол жезол, со достојни одежди. И василевсот византиски, кир Теодор Ласкарис, бранителот на Ромејското царство, нема да сака да заостане, ќе му дарува на твојот род дозвола да ја копа месечината, а тебе ќе ти понуди четири мазги со пурпурни самари. Како додаток, овие милосрдни двајца ќе дадат и големо богатство како товар на мазгите. Ќе прашаат, сакаш ли златни или сребрени садови, евангелија оковани и опточени со скапоцени камења, златновезни покривки и пердиња, разни други неброени скапоцености. Сепак, љубен мој сине, ти сето ова одречи го. Патријархот и царот понуденото нека го приложат во манастирот Хилендар, цветот на Света Гора. Ти, светлино на моите очи, побарај четири никејски прозорци. Запомни, моли ги патријархот и царот да ти дадат само четири прозорци.

- Четири прозорци!? За такво нешто, мраморници, највештите, доведов од Цариград и од грчките земји! Родителу, зошто сега од Никеја да носам прозорци, па уште на пурпурни самари!? – немирно се сврти Сава, та за малку сонот не му се преврте онаму каде што е јавето.

- Никаде додека не завршам – се испречи Симеон со шепот. – Не буди се, не прави ми го трудот залуден. Грешиш, прозорецот е вреден по светлината, не по тоа од што е и колку умешно е изрежано окното за таа светлина.

За прв прозорец барај го оној на кој слетува патријарховата ластовичка. За втор и трет, моли да ти ги дадат оние два на кои цариците ги испрашаат и дочекуваат своите господари кога тргнуваат во бој и кога од бојот се враќаат. А за четврти прозорец барај го оној на кој се одмора двоглавиот орел на самиот василевс. И уште, Саво, бидејќи во туѓина од соништата за татковината тешко се паметат другите соништа, ако заборавиш што ти зборував, ти утре наутро излези на пазар, најди слеп човек што широко гледа и од него купи го тоа што тој во мракот го ткае. Заради ова доаѓав, а сега сонувај како ти се сака.

Така рече монахот Симеон. Потем, сиот исчезна. На подот, во ќелијата, останаа да сјаат само илјадници истурени зрна од месечината.

*  *  *

Изданијата на „Готен“ можете да ги најдете во сите поголеми книжари во вашиот град.


За Преминпортал : Билјана Ставрова

9-ти мај 2014 год.

 



Поуки од Светите Отци

dobrotoljubie

Наука и Култура

Септември 26, 2022
TViTer448

„Турска бања“ на Националната галерија изложена во Европска престолнина на културата за 2022, Нови Сад

„Ваквите претставувања отвораат врати за идни билатерални соработки помеѓу нашите земји. Особена чест и задоволство е за Националната галерија да биде дел од ваков исклучителен настан. Значението на учеството е дотолку поголемо бидејки ние како институција
Јули 24, 2022
TViTer319

ТРКАЛЕЗНА МАСА ЗА ПОДАТОЦИТЕ ЗА Е-ТРГОВИЈАТА ВО НАШАТА ЗЕМЈА

Од АЕТМ велат дека со оваа тркалезна маса, Асоцијацијата за е-трговија на Македонија и Државниот завод за статистика иницираат соработка меѓу засегнатите институции и се вклучуваат во напорите за започнување на јавно-приватен дијалог помеѓу релевантните…

Конгресот на САД ќе носи резолуција за славење на македонскиот јазик и наследство

Јан 27, 2022 Друго од култура 710
Во Конгресот на САД е покрената резолуција за прогласување на септември 2022 за „Месец на…

„Анатомија на бумбарот” на Стефан Марковски

Дек 28, 2021 Литература 807
3.to.Naoganje.glava.sv.Jovan.Krstitel
Во романот, чие македонско издание е објавено од „Паблишер“, се дефинира енергична и…

Поезија од Стефан Марковски застапена во меѓународна антологија на шпански јазик

Окт 23, 2021 Литература 1384
3.to.Naoganje.glava.sv.Jovan.Krstitel
„Преминот на поетските гласови бара прекугранични и меѓугенерациски средби и точки на…

Беседи

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Митрополит Струмички Наум: Воздвижение на Чесниот Крст (26.09.2022)

Митрополит Струмички Наум: Воздвижение на Чесниот Крст (26.09.2022)

Ако некое страдање (Крст) ни предизвикува очај наместо радост, тоа е знак дека треба да го смениме нашиот однос со Бог, односно знак дека нашиот однос со Бог сигурно е...

Беседа на г. Дамаскин, Митрополит на Додимотихо, Орестиада и Суфли

Беседа на г. Дамаскин, Митрополит на Додимотихо, Орестиада и Суфли

Како што видовте на Светата литургија, на двата јазика, сите заедно ја служевме оваа литургија без да постои прекин или пречка. Познато ми е за да дојдеме до овој момент,...

Митрополит Струмички Наум - Напразно потрошено време

Митрополит Струмички Наум - Напразно потрошено време

Што правиме ние? Најчесто, не се трудиме доволно да ги извршуваме нашите дневни обврски во послушание, свесно и согласно Божјите заповеди – во слава Негова и за добро на ближните,...

арх. Андреј (Конанос) - Јас имам нешто добро, а тој- не!

арх. Андреј (Конанос) - Јас имам нешто добро, а тој- не!

Непријателот веќе не го попречува духовниот живот, но настојува да го оскверни, а потоа и да го уништи тоа што е стекнато на тој пат. Тој ти всадува славољубие и...

Митрополит Струмички Наум – Рождество на Пресвета Богородица (2022)

Митрополит Струмички Наум – Рождество на Пресвета Богородица (2022)

Освен ова благодатно проникнување, проземање, друг начин на постоење и спасение за нас, христијаните, е невозможен, и незамислив. Ние не сме етичко тело, ние сме Тело Христово – еден со...

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

Митрополит Струмички Наум: Компатибилност на човечкиот со демонскиот разум (Архива)

Митрополит Струмички Наум: Компатибилност на човечкиот со демонскиот разум (Архива)

 Знаењето на умот е љубовното познание на Бог (како просветленост или обоженост), додека, пак, знаењето на разумот – само по себе е познание на практичниот опит во овоземните науки и...

« »