Во 2017 за овој успех на Оксфам му беше потребно на куп да го преброи богатството на 43 милијардери, во 2016 списокот беше составен од 61 милијардер.



Бројките се од извештајот на британски Оксфам а намерата е да се нагласи растечката концентрација на светското богатство кај се помал број луѓе, што традиционално го прават пред годишното собирање на најбогати луѓе во Давос.

Оксфам пресметале и дека богатството на 2.200 милијардери околу светот во 2018 пораснало за 900 милијарди долари, или по 2,5 милијарди долари на ден. Ова е раст од 12% на богатството на најбогатите луѓе, додека за истиот период најсиромашниот дел од светската популација бележи пад на богатството за 11%.

Извештајот има и други откритија:

- Во 10-те години по финансиската криза, бројот на милијардери е зголемен речиси за два пати.

- Меѓу 2017 и 2018 на секои 2 дена се создава нов милијардер.

- Во 2018 богатството на Безос се зголемува за 112 милијарди долари.

- Само 1% од богатството на Безос е еднакво на целиот здравствен буџет на Етиопија, држава со 105 милиони луѓе.

Нивната процена е дека растечката нееднаквост и наштетува на борбата против сиромаштијата, дополнувајќи дека со зголемување на данокот на богатство за 1% годишно би се собрале дополнителни 418 милијарди долари. Овие пари според нив се доволни за „секое дете што не е на училиште да добие образование и да се обезбеди здравствена заштита која би спречила 3 милиони смртни случаи“.



https://off.net.mk/vesti/razno/najbogatite-26-lugje-na-svetot-poseduvaat-isto-kolku-i-najsiromashnite-38-milijardi