Дводнева научна конференција на тема „Книжевноста и Библијата”

Македонската академија на науките и уметностите, во соработка со Балканскиот институт за вера и култура од Скопје, организира дводнева научна конференција на тема „Книжевноста и Библијата”. Конференцијата се надоврзува на научноистражувачкиот проект „Методи на книжевната херменевтика“, на Одделението за лингвистика и литературна наука при МАНУ.

Целта на оваа конференција е да отвори компаративна расправа за односите на релација Светото писмо – книжевноста, во тој контекст за начинот на којшто се интерпретираат и се актуализираат познати библиски митови, мотиви, жанрови, стилови и модуси во современото и во средновековното книжевно творештво.

На 20 април 2017 (четврток), во 10 ч., академик Таки Фити, претседател на МАНУ, ќе ја отвори оваа научна конференција, а уводна реч ќе даде академик Катица Ќулавкова, раководител на Проектот.

На Конференцијата учествуваат универзитетски професори од Универзитетот „Св. Кирил и Методиј“ од Скопје (Филозофски, Филолошки и Богословски факултет и Институт за македонска литература), како и неколку гости од Универзитетот „Оксфорд” (Велика Британија).

МАКЕДОНСКАТА АКАДЕМИЈА НА НАУКИТЕ И УМЕТНОСТИТЕ
и
БАЛКАНСКИOT ИНСТИТУТ ЗА ВЕРА И КУЛТУРА

Имаат чест да ве поканат на
научната конференција

БИБЛИЈАТА И КНИЖЕВНОСТА
Поздравни обраќања при отворањето на конференцијата:
Академик Таки Фити, Претседател на МАНУ
Академик Катица Ќулавкова, раководител на Проектот

Скопје, МАНУ, 20-21 април 2017
Почеток во 10:00 часот

Работни јазици: македонски и англиски
ПРОГРАМА | БИБЛИЈАТА И КНИЖЕВНОСТА

20.04.2017, Амфитеатар на МАНУ

ПРВА СЕСИЈА:

Модератор: Д-р Коста МИЛКОВ
10:15 Проф. Сајмон ХОРОБИН (Simon HOROBIN), клучен говорник
Професор на Модлин Колеџ, Универзитет „Оксфорд”
„Озберн Боукнам и светиите на средовековна Англија”

11:30 КАФЕ ПАУЗА

ВТОРА СЕСИЈА

12:00 Проф. Ѓоко ЃОРЃЕВСКИ
Декан на Православниот богословски факултет „Свети Климент Охридски“
„Симболиката и структурата на пастирскиот пролог”
12:30 Д-р Марија ТОДОРОВСКА
Доцент на Институт за филозофија, Универзитет „Св. Кирил и Методиј“
„Мотивот на жртвениот јарец во религиските (митско-ритуални и библиски) наративи во
литературата”
13:00 Алиша СМИТ (Alicia SMITH)
DPhil кандидат, Факултет по англиска книжевност, Универзитет „Оксфорд”
“The Pelican and the Night-bird: Psalms and Prayer in Medieval Anchoritic Literature”
13:30 Д-р Костаке МИЛКОВ
Претседател на Балкански институт за вера и култура
„Мотивот на созданието (природата) во романите на Мерилин Робинсон
и нивното теолошко читање преку космологијата на Максим Исповедник”
14:00 Проф. Ацо Гиревски
Протопрезвитер, Православен богословски факултет „Свети Климент Охридски“
„Библијата во македонската книжевност во последните дваесет и пет години”

14:30 РУЧЕК ЗА УЧЕСНИЦИТЕ

21.04.2017, 10:00 (во Малите сали на МАНУ)

ТРЕТА СЕСИЈА

10:00 Академик Катица ЌУЛАВКОВА, клучен говорник
Раководител на Проектот „Методи на книжевната херменевтика“, МАНУ
„Сакралната функција на јазикот, митот за библиските чуда и книжевноста”
“The sacral funcution of the language, and the myth for the Biblical miracles in literature.”

11:30 Д-р Маја ЈАКИМОВСКА-ТОШИЌ
Раководител на Институт по македонска книжевност Универзитет „Св Кирил и Методиј”
„Женскиот принцип во библискиот и во раскажувачкиот корпус
на средновековната литература”

12:00 Д-р Џонатант БРАНТ (Jonathan BRANT)
Капелан, Факултет по теологија и религија, Универзитет „Оксфорд”
„Целта на напорноста: Роуан Вилијамс за Библијата и литературата”

12:30 КАФЕ ПАУЗА

ЧЕТВРТА СЕСИЈА

12:45 Д-р Милан ЃОРЃЕВИЌ
Доцент на Православниот богословски факултет „Свети Климент Охридски“
„Православната аскетика и женскиот ерос (низ призма на романот Облека на душата од Бошко Смаќоски)”
13:15 Проф. Владимир МАРТИНОВСКИ
Професор на Филолошкиот факултет „Блаже Конески“
„Од фреска до песна: топосот на мајчинско страдање во Библијата
во средновековните фрески и во современата македонска поезија”
13:45 Д-р Марија ГИРЕВСКА
Лектор, Православниот богословски факултет „Свети Климент Охридски“
„Сеќавање на Светото писмо: Стариот завет во Џојсовата ‘Телéмахијада’“