логоFacebook  Twitter  YouTube  eMail

Кожувчанка

 


† СТЕФАН
ПО МИЛОСТА БОЖЈА,
АРХИЕПИСКОП ОХРИДСКИ И МАКЕДОНСКИ,
ЗАЕДНО СО СВЕТИОТ АРХИЕРЕЈСКИ СИНОД,
ПО ПОВОД ИЛИНДЕНСКИТЕ ПРАЗНУВАЊА,
ИСПРАЌА МИР И БЛАГОСЛОВ ОД БОГА,
ДО СВЕШТЕНОСЛУЖИТЕЛИТЕ,
МОНАШТВОТО
И ДО СИТЕ ЧЕДА НА
МАКЕДОНСКАТА ПРАВОСЛАВНА ЦРКВА


Нека им е вечен споменот на паднатите борци
за Божјата правда и вистина
— за народна и духовна слобода во Македонија!



Возљубени празникољупци,

Светата Црква денес го одбележува споменот на старозаветниот праведник и угодник Божји, свети Илија, големиот ревнител за правдата и вистината и поборник за доброто и слободата. Тој е веројатно најнеобичниот човек кој живеел на земјата, толку исклучителен и посебен, што Бог го вознел жив на небо. Житието на свети Илија е исполнетo со чудесни случувања и спротивности, но токму на тој начин се открива Божјата тајна: тој ги уништил пророците на лажниот бог Ваал, но упокоено момче вратил во живот; настапила суша, но преку него Бог ја објавил пораката за дожд; заминал во пустина, но Бог не го оставил...; се удостоил со Мојсеја да биде сведок при Христовото преображение, а заедно со Енох ќе дојде пред Денот Господов...
Инаку, секој библиски пророк припаѓа на Божјиот народ, со задолжение постојано да ја објавува вистината на Бога и за Бога, користејќи го зборот како најистакнато средство на слободата. А свети Илија е пророк кој има доблест и храброст да говори и да не премолчува, да ја осуди неверноста на својот народ кон Бога и да го повикува на исполнување на дадениот завет и заповедите Божји. Кај него сè е во служба на вистината и правдата, сè е со цел да поттикне на покајание, кое единствено води кон спасение. За да се биде пак спасен, треба претходно да се биде свесен дека спасението е потребно и дека тоа е цел на постоењето; оној кој греши неопходно е да се препознае како грешник, да сфати дека прави зло и да посака да се поправи и да биде помилуван и спасен.


Возљубени во Господа,

Доследноста во верноста кон Бога, свети Илија ја докажува со ревноста во борбата против безбожноста. Впрочем, искуството на свети Илија е искуство и на нашето секојдневие. Неговата личност ни помага да ги отфрлиме лажните вредности на нашето време. Секое почитување на какви и да се идоли е форма на култ кон она што не е Бог или не е од Бога. Денес, бројни се нештата кои само навидум се облечени во духовност и религиозност и кои, исто како некогаш идолите, се обидуваат да го заведат и да го отуѓат човекот од Бога.
— Тогаш, во што се состои верата, односно што значи да се верува денес? Зарем не е сe појасна потребата од обновена поука за верските вистини? И тоа не подразбира само формално познавање на учењето и настаните кои го овозможиле спасението, туку тоа е пред сè онаа вера која извира од средбата со Бога, која произлегува од љубовта и надежта, која го опфаќа целиот наш живот. Верата не е само интелектуална согласност и определеност на човекот со вистините за Бога, туку е акт со кој човекот слободно Му се предава и Му се доверува на Бога како на Татко Кој нè љуби, Кој промислува и се грижи за секого од нас.

Денес, и покрај напредокот, материјалните добра и благосостојби, со бројните изуми на науката и успесите на техниката, се чини дека современиот човек не е послободен и почовечен. Врз основа на определени настани и случувања, сè повеќе се има впечаток дека во светот е сe потежок процесот на изградба на заедница во која луѓето ќе се чувствуваат поблиски и посложни, и ќе живеат во мир и разбирање. И така, наместо почит, сè почесто има непочитување, наместо благодарност – неблагодарност, наместо љубов – омраза. Притоа, забораваме дека Божјата љубов кон човекот е безмерна: на крстот Синот Божји најјасно ја покажа Својата љубов. Со тајната на смртта и воскресението Христови, Бог слезе на земјата за да го издигне Своето возљубено создание кон небото. Затоа, да се има вера, значи да се има бескрајна доверба во Божјата љубов, која е непобедлива пред сите човечки злоби и злодела, кои Бог успева да ги победи и да ги направи средство за наше спасение.


Возљубени чеда – потомци на славните илинденци,

Илинден е ден на црковно и народно празнување, ден на потврда на несебична и пожртвувана љубов кон ближниот, и јавен израз на копнежот по слобода. Впрочем, ако се задлабочиме во минатото на светот, ќе забележиме дека сето она што се случувало на историската сцена е резултат на слободата и во служба на слободата. Одземањето на слободата е понижување на човековото достоинство, но и противење на Бога, Кој го создал човекот слободен, а сите луѓе еднакви меѓу себе.
Притоа, никогаш не треба да се заборави дека вистинската слобода може да се има само со Бога и во Бога. Слободата е моќ вкоренета во разумот и во волјата, и благодарение на неа човекот одлучува и раководи со себе; таа е сила која треба да расте и да созрева во вистината и во добрината, и така да стане совршена во Бога. Слободата е онаа човекова способност со која доброволно се прифаќа и се сака доброто. Слобода не е да се прави што се сака, туку да се сака доброто кое се прави! И вистинската слобода е можна само со љубов кон Бога и ближниот. Црквата пак, како заедница на надежта и љубовта, е местото каде што спасението се остварува токму преку слободата. Затоа и св. ап. Павле порачува: „Стојте во слободата, со која Христос нè ослободи, и не се подавајте повторно под ропски јарем... Вие браќа, повикани сте кон слобода; но слободата ваша да не ви служикако повод за угодување на телото, туку со љубов служете си еден на друг“ (Гал. 5, 1 и 13).
Оттаму, и ние, следејќи го примерот на светиот пророк Илија, и охрабрени со надежта, да ја почувствуваме радоста гледајќи Го Бога во секој човек. Да си спомнеме за сите оние кои од љубов кон Бога и кон својата земја, а за нашето добро и за нашата слобода, ги дадоа своите животи. Да не заборавиме дека тој скап дар нѐ обврзува на голема одговорност, и пред нив и пред Бога!


Возљубени чеда на мајката Македонска црква,

На овој славен ден да си спомнеме и за жртвите и трагедијата на царот Самоил и неговите војници, во битката на Беласица пред 1000 години, за подвигот на илинденците 1903-та, за одлуките на учесниците во АСНОМ во манастирот „Св. Прохор Пчински“ 1944-та, како и за сите наши народни буни, борби и востанија, за борците, комитите, партизаните, бранителите и за сите паднати во одбрана и за слобода на земјата македонска и верата православна. Нека им е вечен споменот на сите ревнители и жртви за Македонија!
Честитајќи ви го Илинден, вам, чеда наши духовни - во татковината и насекаде по светот, ви посакуваме мир и благослов од Бога! Амин!

АРХИЕПИСКОП
ОХРИДСКИ И МАКЕДОНСКИ
†СТЕФАН
Заедно со членовите на
Светиот архиерејски синод на
Македонската православна црква

† ПЕТАР, Митрополит Преспанско – пелагониски и
администратор Австралиско – новозеландски
† ТИМОТЕЈ, Митрополит Дебарско – кичевски
† НАУМ, Митрополит Струмички
† АГАТАНГЕЛ, Митрополит Повардарски
† МЕТОДИЈ, Митрополит Американско – канадски
† ПИМЕН, Митрополит Европски
† ИЛАРИОН, Митрополит Брегалнички
† ЈОСИФ, Митрополит Тетовско – гостиварски
† ЈОСИФ, Митрополит Кумановско – осоговски
† ГОРАЗД, поранешен Митрополит Европски
† КЛИМЕНТ, Епископ Хераклејски

На Илинден, 2014


dobrotoljubie

Поуки од Светите Отци

Видео содржини

dobrotoljubie

Беседи

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Во оваа нова состојба се чини дека смртта и болката имаат позитивно значење, како другата кожна облека со која Бог ги облекол Адам и Ева кога го напуштиле рајот за...

Вознесение во Христос или идолопоклоничко превознесување

Вознесение во Христос или идолопоклоничко превознесување

  Луѓето тежнеат кон правење идоли. Идол е сѐ она што човекот го става на прво место во своето срце, наместо Бог и наместо духовното растење во Бог. Луѓето сакаат...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

 Митрополит Струмички Наум: Недела на слепородениот

Митрополит Струмички Наум: Недела на слепородениот

Се случија две средби помеѓу слепородениот и Христос: првата додека уште беше слеп; и втората, откако прогледа и откако Го оправда Христос пред фарисеите. И фарисеите двапати се сретнаа со...

Митрополит Струмички Наум: „Литургијата и на почетокот била Тајна Вечера, а не јавен доручек.“

Митрополит Струмички Наум: „Литургијата и на почетокот била Тајна Вечера, а не јавен доручек.“

       Така, како што веќе напишав: ниту почетокот, ниту крајот на начинот на служењето на Светата Литургија се и ќе бидат исти со денешниот – ниту некој Собор ја прогласил за...

Отец Гаврил-Беседа за Св.Методиј и Св.Кирил

Отец Гаврил-Беседа за Св.Методиј и Св.Кирил

Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...

Жарко Ѓорѓиевски: Свети апостоли Јасон и Сосинатар (Недела на раслабениот)

Жарко Ѓорѓиевски: Свети апостоли Јасон и Сосинатар (Недела на раслабениот)

Eвангелската приказна за исцелувањето на болниот човек кој поголемиот дел од својот живот беспомошно лежел покрај бањата која ја опишал светиот апостол и евангелист Јован е пример на чисто милосрдие...

Митрополит Струмички Наум: Христијанин без срце кое гори во молитва...

Митрополит Струмички Наум: Христијанин без срце кое гори во молитва...

Ако Божјите информации што доаѓаат од словото на духовниот отец, од Светото Писмо, од делата на Светите отци ги прифаќаме само на ниво на разум, без да ги прифатиме во...

« »

Најнови вести

Православен календар

 

06/06/2025 - петок

Преподобен Симеон Столпник Дивногорец; Светиот маченик Мелетиј Стратилат и 1218 војници со жени и деца; Преподобен Никита Столпник;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на преп. Христов столпник Симеон Дивногорец 6 јуни/24 мај 2025

Тропар на преп. Христов столпник Симеон Дивногорец 6 јуни/24 мај 2025

Помазаник на Божјата благодат, од утроба посветен на славословие Господово, Симеон стана огнен молитвеник од земјата до небото, цврста поткрепа во Бога имајќи,...

Тропар на ВОЗНЕСЕНИЕ ХРИСТОВО – СПАСОВДЕН

Тропар на ВОЗНЕСЕНИЕ ХРИСТОВО – СПАСОВДЕН

Си се вознел во слава, Христе Боже наш, и си ги зарадувал учениците со ветувањето на Светиот Дух, а со...

Тропар на светиот слуга Христов Епифаниј Кипарски  25 мај/ 12 мај 2025

Тропар на светиот слуга Христов Епифаниј Кипарски 25 мај/ 12 мај 2025

Ливан ја залеа со мириси, патеката на твојот живот,о голем столбу на православието, ревноста по Христа ја привлече благодатта,и со...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная