Живот посветен на спортот, голман со срце и спортист со душа -комеморација за Петар Милошевски

Пријателите, роднините, сите спортисти со кои ја делеше радоста по победите и загриженоста по спортските порази, се простија од Петар Милошевски, голманот со срце и спортистот со душа. На комеморацијата немаше зборови за да се искаже тагата поради загубата на млад човек, кому допрва му претстоеше кариера на прв човек на македонската фудбалска репрезентација. Милошевски загина на враќање од хуманитарен натпревар, во страотна сообраќајна несреќа близу Куманово.
Македонскиот фудбал остана без една од своите најсветли точки. Фудбалер со големо срце, а фудбалски работник со уште поголема визија за подобро утре.

• Денеска семејството, пријателите, соиграчите и соработниците се простија од големиот човек Петар Милошевски. Тој зад себе остави голема загуба и тага, но човек кој целиот свој живот го посвети на добродетелство, никогаш нема да биде заборавен. Токму таков беше и неговиот последен чин на овој свет, хуманитарен натпревар за помош на други. Во солзи, неговите најблиски зборуваа за животот исполнет со добрина, фудбалски успеси, но и неговиот најголем триумф како добар сопруг и татко.

Ѓоко Хаџиевски, поранешниот селектор на македонската фудбалска репрезентација и човекот што го откри талентот на Милошевски, се потсети на неговите почетоци во фудбалот и како прерасна во, можеби, најдобриот голман во историјата на нашата земја.
За неговите поранешни соиграчи, пријатели и репрезентативни другари тој е легенда, а како што рече Артим Шаќири - легендите никогаш не умираат. Селекторот на фудбалската репрезентација, Бошко Ѓуровски вети дека секоја победа во иднина ќе биде посветена на Петар Милошевски.

  (Преземено од Калан 5)

•  Потресна комеморација за Петар Милошевски: Загубивме син, ќе го чуваме твоето семејство!

 +++

•  Друго:

•  Мане Манев: Петар Милошевски ги сакаше и непријателите!

“Тој беше светец. Слушајте што говори Мане, го познавав многу добро, во последните неколку години бевме речиси и неразделни. Сите знаеме каков голман беше, извонреден. Но, сакам целата македонска јавност, а и пошироко, да знае дека беше невидена личност, некој што толку ретко се среќава во денешниот свет. Неговата човечка димензија беше посебна. Тој ги сакаше и непријателите. Апсолутно на никого не му мислеше лошо, дури тој си земаше грижа на совест, доколку двајца други се караа на масата подалеку од нас. Дури и за најголемите ’бандити’, како што јас знаев да ги кажам, Петар сакаше да најде разбирање, да го пронајде човечкото во нив, на еден начин да ги оправда за нивните постапки“, ја отвори душата Мане Манев за својот фудбалски ученик, но пред се голем пријател.

И двајцата се големи верници, христијани. Мане Манев се сеќава на некогашното гостување со репрезентацијата во Турција, кога заедно со Петар Милошевски, на негово инсистирање, заминале на гробот на Свети Никола.

Тренерот на голманите во македонската фудбалска репрезентација сакаше самиот преку ЕКИПА ова да и го открие на јавноста, за сите да знаат дека освен одличен голман загубивме пред се голем човек и доброчинител. Почивај во мир, Петар Милошевски.

 http://ekipa.mk/mane-manev-petar-miloshevski-gi-sakashe-i-neprijatelite/