Скопје, 23 декември 2021 год- Соборен храм 2Св.Климент Охридски на празникот на Светите маченици Мина, Ермоген и Евграф
На 23.12.2021 година, на празникот на Светите маченици Мина, Ермоген и Евграф, во Соборниот храм „Св. Климент Охридски“ во Скопје се отслужи Заупокоена Архијерејска Литургија, по повод годишнината од блаженото упокојување на поранешниот Митрополит Европски Горазд. На Литургијата, со благослов и присуство на Неговото Блаженство, Архиепископот Охридски и Македонски и на Јустинијана Прима г.г. Стефан, чиноначалствуваше Митрополитот Европски г. Пимен, во сослужение на Митрополитот Кумановско-осоговски г. Григориј, Епископот Стобиски г. Јаков, како и на свештенослужители од Скопската и Струмичката епархија. На Литургијата присуствуваа и Митрополитот Повардарски г. Агатангел, Митрополитот Брегалнички г. Иларион и Митрополитот Тетовско-гостиварски г. Јосиф.
По Светата Литургија, се отслужи Панихида, а потем г. Јаков, отслужи молитвен Помен и на гробот на Митрополитот Горазд, во манастирот „Св. пророк Илија“ – Чардак, кај с. Мирковци,Скопска Црна Гора.
.
„Да си спомне Господ Бог
за упокоеното чедо свое Горазд, поранешниот митрополит Европски,
и да го направи неговиот спомен вечен! “
Декември 2021 лето Господово
Друго:
